HONDE: JOU BESTE VRIEND OP DIE PLAAS
Honde is nie net die mens se beste vriend nie, maar op plase moet hulle ook as werkers hul skoene volstaan — nie net as afskrikmiddel nie. Wat is volgens jou die beste hond vir ’n plaas?
SANETTE TARA WOLFAARDT
LOMBARD skryf: Ons Boerboele het baie oud geword en nooit kinders gebyt nie. Jy moet huiswerk doen oor die teling van die hond. Nie alle Boerboele is kinderbyters nie.
MIA SWANEPOEL antwoord: Dit hang ook baie van die eienaar af. Die Boerboel wat ons gehad het toe ek sowat 11 jaar oud was, het my en my broer soos goud bewaak. Dit was die beste kinderhond wat ek nóg gehad het. Ek konmyoënieglotoeeksowat 12 jaar later op ’n plaas met drie Boerboele kom en nie ek óf my man byna kans sien om uit te klim nie. Jy kon sien hulle is van kleins af aangemoedig om te byt.
MATTHYS JOHAN SWART
skryf: Kelpiehonde doen skaapwerk, is slim en lojaal en dink vir hulself. Beste maat.
BUTCH VAN BLERK antwoord: Daar is nie ’n intelligenter hond nie — hy is heeltemal mens.
JOHAN SCRIBANTE skryf: ’n Anatoliese Herdershond by die diere. ’n Australiese Beeshond in jou skaduwee. Boelterriërs in en om die huis. Yorkshire-terriërs of bokkiehondjies in jou huis en slaapkamer.
JAN Z OLIVIER skryf: Geen argument met iemand nie. Honde in die huis, honde op die werf en honde in jou kraal is die beste.
AMANDA VAN BLERK skryf: Die Beeshond is kwaai, wakker en lojaal. ’n Hond is so goed soos wat hy geleer word. Enige hond.
JOHAN WILLEM SCHOULTZ skryf: Jy leer nie ’n skaaphond nie, hy leer jou. Jy loop en fluit, en hy doen die werk. Altyd beskikbaar, geen minimum loon, geen Cosatu. Hy vra net liefde en aandag.
ANDRE DE LANGE skryf: Beslis ’n Beeshond. Versigtig, lojaal, energiek, gehoorsaam, beskermend, dapper en baie liefdevol teenoor kinders.
ISELLE VENTER skryf: Jack Russells.
WILLEM JOHANNES PIETERSE skryf: Trompie, my Rifrug, bring sy kant.