GESONDHEID UIT DIE GROND UIT

Oja Farms is ’n vierdegeslagfamilieboerdery op die plaas Leeuwpoortjie naby Middelburg in Mpumalanga waar twee broers, mnre. Jannie en Martin Cloete, die waarde van sojabone as voedselbron besef het. Hulle het in 2007 met sojabone as wisselgebougewas saam met hul mielieboerdery begin. Later het hulle ’n verwerkingsaanleg opgerig om die middelman uit te skakel en kostedoeltreffende, smaaklike en gesonde sojaprodukte aan verbruikers te verskaf.

Jannie sê met gemiddeld 36% proteïen, 18% vesel, 12% poli-onversadigde vette en ’n heerlike, neuterige smaak is sojaneute die nuwe superversnapering. Boonop bevat dit geen gluten of cholesterol nie.

Die neute is ongegeurd beskikbaar, asook in vier geure – sout en asyn, vrugteblatjang, chakalaka en bief. Soy Nuts kan net so geniet word, of as ’n byvoeging tot droë vrugtestukkies vir ’n gesonde alternatief in ’n kosblik of as peuselhappie.

Oja Dry Roasted-sojobone is ’n ekonomiese en voedsame toevoeging tot kos. Die ongegeurde neute kan gebruik word in nageregte en slaaie en om neute in geregte te vervang.

Soy Nuts is beskikbaar in pakkies van 50 g, 300 g en 500 g. PRYS: Op aanvraag.

NAVRAE: Mnr. Jannie Cloete, e-pos: jannie@ojafarms.co.za; sel 079 142 9198.