Landbouskrywers SA vereer dié joernaliste
Joernaliste van Landbouweekblad het gepresteer in Landbouskrywers SA se jaarlikse skryf- en fotokompetisie. Die prysuitdeling is op 16 November gehou.
Heléne Booyens is BKB en Landbouskrywers SA se Fotograaf van die Jaar. Sy het ook die Foto van die Jaar geneem. Haar eerbewys, wat prysgeld en ’n hommeltuig insluit, is deur mnre. John van Breda, ’n stigterslid van die kompetisie, en Niel Jordaan van BKB oorhandig.
Altesaam 260 foto’s is vir die BKBkompetisie ingeskryf in afdelings vir mense in die landbou, plante, diere, die wolenbokhaarbedryf, landbouwerktuie, diere op skoue, nuus, ongepubliseerde foto’s en ’n portefeulje.
Ander Landbouweekbladfotograwe wat ook eerste, twee de of derde plekke behaal het in die verskillende afdelings, is Johan Norval (algeheel tweede), en Johan van der Merwe, Charl van Rooyen, Marieke Snyman en Liza Bohlmann (algeheel derde).
Landbouweekblad se joernaliste het ook in die skrywerskompetisies gepresteer. Bohlmann het Dekalb en Landbouskrywers SA se prys vir die beste tegniese artikel ontvang vir haar artikel “Van beginnerboer tot wêreldrekordhouer in agt jaar” (Landbouweekblad, 1 Junie 2018) oor die Amerikaanse mielieensojaboonboer mnr. Randy Dowdy. Die prys sluit ’n kontantprys en ’n reis na Minneapolis, Minneso ta in Amerika, vir bywoning van die Internasionale Federasie van Landboujoernaliste se jaarkongres in.
Charl van Rooyen, assistentredakteur van Landbouweekblad, deel die derde plek in Dekalb en Landbouskrywers SA se kompetisie vir tegniese artikels met Lindi van Rooyen (’n vryskutjoernalis van Farmer’s Weekly). Ursula Human van Plaas Media het die tweede plek in dié kompetisie behaal.
Bohlmann het ook Santam Landbou se prys vir die Beste Blootstelling vir die Boer van die Jaar ontvang, wat deur mnr. André Diederichs van Santam Landbou oorhandig is. Siyanda Sishuba (Farmer’s
Weekly) het Africa Bio se prys vir die beste artikel oor biotegnologie ontvang. Dr. Siya Ntutula van Africa Bio het die prys oorhandig, en Denene Erasmus, redakteur van Farmer’s Weekly, het dit namens Sishuba ontvang.
EERBEWYSE
Prof. Mohammad Karaan en mnr. Johann Bornman het elk ’n spesiale eerbewys ontvang vir hul bydrae tot die landboubedryf. Me. Eunice Joubert, voorsitter van Landbouskrywers WesKaap, en mnr. Hugo Lochner, ondervoorsitter van die tak, het die eerbewyse oorhandig.
Karaan is vereer vir sy jare lange bydrae in verskeie akademiese en bedryfsliggame, en meer onlangs vir sy betrokkenheid by pres. Cyril Ramaphosa se adviespaneel oor grondhervorming.
Bornman, ’n ekonoom en voorsitter van Agri Development Solutions, is vereer vir sy werk aan die nasionale grondoudit wat die afgelope sowat twee jaar saam met Landbouweekblad, Landbou.com en Agri SA gedoen is.