Kerskos vir ’n stoepkuier
Vanjaar is ons Kersete ’n luilekker kuier, met ’n spyskaart propvol geure, maklik om te maak én sakpas daarby.
Gevulde, gerolde varklies met salie-bottersous en soet baba-uie
Die varklies lyk en smaak indrukwekkend, maar dis só maklik om te maak. Gebruik die beste varkworsies wat jy kan kry vir die vulsel.
Vulsel
250 g varkworsies van goeie gehalte
Varklies
1 ontbeende varklies van ongeveer 2 kg, vel verwyder Sout en vars gemaalde swartpeper 10 ml heuning 20 ml Dijonmosterd 700 g klein uitjies, afgeskil 1 bottel (330 ml) appelbier (ek het Savanna gebruik) 125 ml hoenderaftreksel Ongeveer 10 vars salieblaartjies
Smeermengsel
20 ml heelkorrelmosterd 5 ml mosterdpoeier 45 ml heuning 10 ml sojasous
Sous
100 g yskoue botter, in blokkies gesny 30 ml gebraaide salieblare
Voorverhit die oond tot 140 °C. Druk die vleisvulsel uit die worsderms. Sit die varklies op ’n werkoppervlak met die velkant na onder. Geur die vleiskant goed met sout en peper. Meng die heuning en Dijonmosterd en smeer dit oor die vleis. Vorm die worsvleis in ’n dikkerige rol en plaas dit in die middel van die varklies. Rol die varklies rondom die worsvulsel toe en bind die vleisrol vas met tou. Geur die buitekant van die vleisrol ook goed met sout en peper en sit dit saam met die uitjies in ’n oondroosterbak. Giet die appelbier en aftreksel in die oondbak rondom die vleis en sprinkel die salieblaartjies oor. Bedek met foelie en bak die vleisrol vir ongeveer 3 uur tot sag. Haal uit die oond en verwyder die foelie. Verhoog die oondtemperatuur na 200°C.Mengdiebestanddelevirdiesmeermengsel goed. Smeer dit egalig oor die varkrol en sit die vleis terug in die oond. Oondrooster vir