’n Kerskous vol lekker dinge (Jag)
Daar is genoeg ‘speelgoed’ om jag- en geweerliefhebbers dié Kersfees mee te bederf. Hier’s idees vir jou inkopie- of wenslys.
So ’n paar weke terug loop ek rond in Groblershoop, die dorp in die Noord-Kaap waar ek my klein-seuntjiedae verwyl het. Van die ou padkamp waar ek grootgeword het, is nog net die fondie damente oor. Maar reuk van doringboomrooiduinstof wortels en voer jou terug na ’n tyd toe hier, tussen die doringbome en sand, ’n klein gemeenskap gewoon het waar, arm soos ons was, die kussing-slope op Kersdag gebult het van geskenke. In my sloop was gewoonlik meer as een speelgoedgeweer of -rewolwer.
Gedagtig aan my kinderdae se geskenke loop ek onlangs in by een van Vader Krismis se winkels vir wapenliefhebbers en jagters in Port Elizabeth. Die ou kêrel met die wit baard was nie self daar nie, maar een van sy bestuurders, Johan Bosch, het my toegelaat om na hartelus rond te krap. En is daar nie die mooiste dinge nie! Van baie duur tot goedkoop dinge wat net so nuttig te pas kom op die skietbaan of in die veld. Dit het my soos ’n seuntjie in ’n speelgoedwinkel laat voel!
EIE BEDERF
Op my eie lys gaan my vrou vanjaar net een ding sien, en dit is ’n chronograaf waarmee jy koeelsnelheid meet. Hulle wissel van R2 500 tot baie duur. Vir my is die goedkoper opsies akkuraat genoeg, maar vir diegene wat ernstig deelneem aan langafstand- of dooierusskiet, sal meer gesofistikeerde modelle nodig wees. As jy ernstig is oor patrone herlaai, is ’n chronograaf onontbeerlik.
HOEVERSTAANDAAIBOK?
Ek het myself geleer om afstand goed te skat deur, waar ek ook al in die veld rondloop, te skat hoe ver ’n voorwerp is en dit dan af te tree. Baie jagters se skattingsvermoë laat veel te wense oor en my vermoë is ook nie meer so akkuraat nie, veral omdat ek baie minder in die veld kom as vroeër. ’n Afstandmeter is baie nuttig om seker te maak hoe ver die bok eintlik staan voor jy die skoot aftrek. Pryse wissel van omtrent R4 000 vir ’n Leupold tot sowat R12 000 vir ’n Leica.
OM BETER TE KAN SIEN...
Wanneer dit tyd raak om die teleskoop wat jou oupa nog op sy ou .303-jaggeweer gebruik het te vervang, is daar ’n magdom beskikbaar. Kies liewer een wat nie te goedkoop is nie. Vir sowat R8 000 kry jy ’n goeie teleskoop, en teen dié prys maak dit nie te veel saak watter fabrikaat jy kies nie. Kies dus die een wat vir jou doel die beste sal werk. Daar is natuurlik groot menere soos byvoorbeeld Nightforce vir diegene wat veral van sportskiet hou, wat meer as R60 000 kos.
HERLAAI JOU EIE
As jy nog nie jou eie patrone laai nie, is dit dalk hoog tyd dat jy begin. Net ’n waarskuwing: Jy moet baie skiet voor dit finansieel die moeite werd is. T oe ek nog aktief praktiese pistoolskiet beoefen het en elke maand 500 patrone deur my 9 mmHi Power gestuur het, was dit onontbeerlik om te herlaai. Maar al skiet jy nie so baie nie, is dit ’n lekker stokperdjie en vir die skuts wat absolute akkuraatheid vereis, ook ononderhandel- baar. Om hier pryse te noem is eintlik onmoontlik omdat die verskillende komponente baie in prys en gehalte wissel. Jy benodig as minimum ’n herlaaipers, matryse vir elke kaliber, kruitskaaltjie, apparaat om slagdoppies in te sit, doppiehouers vir die pers, en talle ander dinge waarsonder jy sou kon klaarkom, maar wat dit net gerieflik maak, soos doplengtesnyers, kruitmeters en apparaatjies om die gat waarin die slagdoppie kom skoon te maak.
’N MES OF ’N BOEK OF…
’n Boek wat ek altyd baie geniet en gebruik, is Cartridges of the World. Ek hoop jou Kerssloop is vol van wat jy graag wil hê, maar boweal van die vrede van die Kerstyd.
BenFo urie is ’n geweergeesdriftige van Port Elizabeth.