‘MAAK JULSELF LOS VAN ESKOM’

Die landbousakekamer Agbiz raai landbou-ondernemings en veral voedselverwerkers aan om in hernieubare energie te belê sodat hulle nie van Eskom afhanklik is nie. Wetgewing verbied egter ondernemings om heeltemal van die netwerk af te gaan.

Agbiz vra die Regering om dié wetgewing te wysig “sodat mense minstens na hulself kan kyk en hul lot in hul eie hande kan neem om dié situasie te oorleef”, sê dr. John Purchase, uitvoerende hoof van Agbiz.

Hy het op ’n Agbiz-mediadag oor die vooruitsigte vir 2019 gesê alle Suid-Afrikaners word deur beurtkrag geraak, maar veral voedselverwerkers word baie swaar getref.

JOHNSMITH skryf: As alleenspeler in die veld van elektrisiteitsvoorsiening en met slegs een aandeelhouer is Eskom in die stoel, en die verbruiker moet dans. Daar is wel alternatiewe, maar dit kom teen ’n prys.

PHILIP VAN DEN HEEVER skryf: Dis tyd vir meer alternatiewe kragbronne.

MANIE GROBLER skryf: Kyk, die ANC is uitgeslape. Eers het hy die wit mense uit hul werk uit deur regstellende aksie. Toe probeer hy die boere van die grond af dryf met diefstal, moord en die minimum staatshulp. Nou laat hy die boere swaarkry deur Eskom se krag af skakel sodat meer boere hul grond moet opgee. Dit gaan nie hier ophou nie. Die volgende is om wit besighede se krag af te skakel om die fabrieke en besighede ’n knou te gee. Só probeer die ANC alles vat wat aan die wit mense behoort, of probeer hulle uit die land verdryf.

BUTCH VAN BLERK skryf: Ek glo nie daai verbod om van die netwerk af te gaan, gaan in die howe bly staan nie — dis lynreg in stryd met Mededingingswet.

WILLEM ESTERHUYSE skryf: Ek stem saam met John. Die situasie rakende kragvoorsiening gaan in toekoms eerder verswak as verbeter. Ons in die landbou en nywerhede moet so vinnig moontlik in alternatiewe kragbronne, soos sonkrag en wind, belê. Natuurlik teen ’n prys. Hoe gouer, hoe beter!