Minimum loon: Dítmoetjyweet
BOERE moet kennis neem van die nuwe maatreëls wat geld met die inwerkingstelling van die nasionale minimum loon op 1 Januarie 2019. 1. Die minimum loon vir plaas-
werkers. Plaaswerkers moet voortaan R18 per uur (90% van die minimum loon) ontvang. Dié loon gaan oor ’n tydperk van twee jaar tot 100% van die vlak van die nasionale minimum loon verhoog word. 2. Die minimum loon vir huiswerkers in plaashuise. Dit is ook R18 per uur en nie R15 per uur soos vir ander huiswerkers geld nie. Dit is omdat hierdie werkers ook as plaaswerkers geag word, sê me. Elize van der Westhuizen, direkteur van die arbeidskonsultant Comply Plus. “Plaaswerkers sluit alle werkers in wat hoofsaaklik in verband met plaasaktiwiteite in diens geneem word, asook huiswerkers wat in ’n huis op ’n plaas werk.” 3. Vrystelling van die minimum loon. Werkgewers kan aansoek doen om kwytskelding vir ’n spesifieke tydperk, maar dit sal nie langer as ’n jaar geldig wees nie. Dis nog nie duidelik op watter grondslag sulke kwytskelding toegestaan word nie, want die minister moet nog die regulasies publiseer
wat verduidelik in watter gevalle vrystelling sal geld. Aansoeke kan ingevolge die Department van Arbeid se kwytskeldingstelsel by nmw.labour.gov.za gedoen word.
4. Werkgewers wat minder as die minimum loon betaal. Ingevolge onlangse wysigings aan die Wet op Basiese Diensvoorwaardes (Wet 75 van 1997) kan werkgewers wat nie die minimum loon betaal nie, beboet word.
Die boete vir ’n eerste oortreding kan dubbeld die waarde van die onderbetaling wees, of dubbeld die werknemer se maandelikse loon, watter een ook al die grootste bedrag is.