INTEGREER DIE BESTUUR VAN GRONDVRUGBAARHEID
Bewaringslandbou kan help om volhoubare en klimaatslim landbou te vestig.
Dr. Hendrik Smith, bewaringslandboukoördineerder by Graan SA, en mnr. Gerrie Trytsman van die Landbounavorsingsraad skryf in die Julie 2017-uitgawe van Graan SA se tydskrif dat geïntegreerde bestuur van grondvrugbaarheid, wat deel is van bewaringslandbou, help om grondgesondheid te verbeter en boere help om kunsmis ten beste te gebruik en sodoende stabiele opbrengste en groter wins te behaal.
Geïntegreerde bestuur van grondvrugbaarheid beklemtoon die verhoogde doeltreffendheid van en toegang tot grondvoedingstowwe vir plantwortels.
Dit vereis dat grond as ’n lewende eko-
stelsel beskou word en bestuurspraktyke wat plaaslik aangepas is, ingespan word om ekostelsfunksies te verbeter.
Die konsep erken nié dat praktyke wat net op kunsmis staatmaak, of net op die ekostelseldienste wat die grond kan lewer, steun genoeg is vir volhoubare gewasproduksie nie – veral nie gedurende die oorgang van tradisionele praktyke na bewaringsboerdery nie.
Die doeltreffendheid waarmee plante voedingstowwe benut, kan só verbeter word:
Neem grondvrugbaarheidsvlakke vanweë natuurlike prosesse, soos stikstofbinding deur peulgewasse en voedingstofsirkulering, in ag om kunsmistoedieningspeile aan te pas.
Dien kunsmis op die regte tyd, op die regte plek geplaas en van die regte bron toe.
Gebruik die regte plantdigtheid sodat plante toegang tot die regte hoeveelheid voedingstowwe kry.