WÊRELDBEKENDE KENNERS IN SUID-AFRIKA EN ZIMBABWE
Moderne reproduksietegnieke en tegnologie was die kerntema van die tiende Aldamveeskool, met die toenemende druk op boere om meer winsgewend te wees.
Onder die spesialiste was prof. Cliff Lamb, hoof van die departement van dierkunde aan die Texas A&Muniversiteit in Amerika. Dié gebore Zimbabwiër, wat in SuidAfrika skoolgegaan het, het dertig jaar gelede sy studies in Amerika begin. Hy het uitvoerige navorsing in Afrika (van SuidAfrika tot Kenia), Australië, Europa en SuidAmerika gedoen.
Nog sprekers was dr. Brad Crook, bestuurder van Breedplan se genetiese navorsings en ontwikkelingspan in Aus tralië, prof. Michael McGowan, hoogleraar in lewendehawemedisyne van die skool vir veeartsenykundige wetenskappe aan die universiteit van Queensland in Australië, en dr. Reuben Mapletoft, afgetrede hoogleraar van die universiteit van Saskatchewan in Kanada, wat 35 jaar lank in reproduktiewe biologie en reproduktiewe tegnologie by beeste gespesialiseer het.
Ná die Aldamveeskool was hulle ook gassprekers by die sewende Beesskool van die Zimbabwiese stamboekliggaam, wat vanjaar in samewerking met National Foods en Nurture in Bulawayo gehou is.
Aldam word aangebied deur die Lewendehawe Registrerende Federasie, Breedplan en Landbouweekblad, met Pick n Pay as hoofborg.