ZAMBIË | Nuwe reusegroenteplaas met Egiptiese hulp gebou
Die Egiptiese en Zambiese regering gaan saam ’n plaas van 600 ha bedryf wat spesialiseer in die tonnelverbouing van groente.
Die nuwe plaas sal in die distrik Mkushi gebou word, ná die sukses van ’n soortgelyke projek in Mubashi.
Die twee lande se ministers van landbou het ’n memorandum van verstandhouding onderteken tydens ’n besoek van mnr. Ezzedin Abu Steit, minister van landbou van Egipte, aan Lusaka. Abu Steit het ook vergader met die Zambiese minister van binnelandse sake, landbou en lewendehawe en visserye.
Volgens ’n verklaring is die staatsbesoek deel van ’n poging om wedersydse verhoudings tussen die twee lande te versterk.