‘BIERHAPPIES’ VIR LIEFDADIGHEID
Die Suid-Afrikaanse Brouerye (SAB) en Anheuser-Busch InBev (AB InBev) verkoop ’n souterige graanversnapering wat vervaardig word uit plaaslik verkrygde bierbestanddele en die oorskot van hul brouproses.
Castle Lager Better Bites word in pakkies van 40 g verpak en is by vyf kroegverkooppunte in Soweto en vier verkooppunte tussen Johannesburg en Pretoria beskikbaar.
Die opbrengs uit die verkope van dié southappies word gebruik om opkomende gars-, mielie- en hopboere by te staan en ontwikkelingsprogramme te ondersteun. Die Castle Lager Better Bitesinisiatief word in vennootskap met FarmSol Africa en Graan SA aangepak. Altesaam 142 onfhanklike swart opkomende boere is begunstigdes, waaronder 82 vroue van KwaZulu-Natal, Gauteng en Mpumalanga. PRYS: Op aanvraag.
NAVRAE: Azure Janneker, e-pos: Azure.Janneker@za.ab-inbev. com, sel 079 505 6966.