GEEN AANSOEKE
Die Regering het tot dusver geen aansoeke ontvang vir munisipale of provinsiale rampverklarings wat verband hou met die vernietigende droogte oor groot dele van Suid-Afrika nie. Mnr. Musa Zondi, woordvoerder van die Departement van Samewerkende Regering en Tradisionele Sake, het aan Landbouweekblad gesê bykomende geld is beskikbaar vir ramphulptoelae aan staatsfere en munisipaliteite, indien hul bestaande gebeurlikheidsplanne nie voldoende is om die droogteramp doeltreffend te hanteer nie.