LAAT JOU HOND INENT!
Honde-eienaars moet dringend hul diere teen hondesiekte laat inent, aangesien dié virus ‒ soortgelyk aan dieeenwatmaselsbymenseen runderpes by beeste veroorsaak ‒ vinnig in Suid-Afrika begin versprei. Die Waltloo-tak van die Dierebeskermingsvereniging in Pretoria bestry tans ’n moontlike uitbreking, terwyl die virus reeds gemaai het onder honde in Knysna, Kaapstad, Durban en Johannesburg, sê dr. Elizna Boag, ’n eenheidsbestuurder van Afrivet. Jong hondjies van drie tot ses maande is veral vatbaar. “Dis ’n dodelike virus en tot dusver is daar nog geen geneesmiddel nie. Veeartse kan net ondersteunende behandeling bied,” sê sy. Boag waarsku honde-eienaars om bedag te wees op vroeë simptome, soos koorsigheid, verminderde eetlus en ’n afskeiding uit die neus en oë. “Inenting is die enigste manier om die siekte te keer,” sê sy.