IN ’N BLIK
FYN WERK. Skaars drie maande oud en dié Wagyu-versie word aan ’n in vitro-vrugbaarheidsprogram onderwerp. Sy is egter net die skenker van eierselle nadat sy met natuurlike hormone behandel is. Dié oesproses van die selle geskied by Absolute Genetics, oos van Bloemfontein, en na verneem word is dit die enigste van die embriosentrums in die land waar dié prosedure uitgevoer word. Dr. Thomas Steyn, ’n veearts en mededirekteur van die sentrum, het ’n endoskoop in sy linkerhand, en in sy regterhand ’n instrument waarmee hy die eierselle opsuig. Links is mnr. Ben Pretorius, die bestuurder van die embriosentrum, en regs is mnr. Daniel Mbeu, wat die span bystaan. Heel links is mnr. Nelson Matele, wat die narkoseproses dophou. Hou komende uitgawes van Landbouweekblad dop vir nog hieroor.