BRAAIHOENDERS
(Abattoirverkooppryse aan die handel, BTW uitgesluit.)
Die abattoirverkoopprys aan die handel van bevrore braaihoenders was in die week van 25 Januarie 0,4% hoër teenoor die vorige week, 0,1% hoër teenoor die ooreenstemmende week ’n maand gelede en 5,5% laer op ’n jaargrondslag. Gegrond op prysneigings van die afgelope 20 jaar is die kans 63% dat die prys in Februarie laer as in Januarie gaan wees en 50% dat die prys in Maart laer as in Februarie gaan wees. Vars braaihoenders se prys was 0,3% hoër teenoor die vorige week, 1,3% laer teenoor ’n maand gelede en 5,9% laer op ’n jaargrondslag. Die prys kan sy- of opwaarts beweeg. Die kans is 67% dat die prys in Februarie laer as in Januarie gaan wees en 61% dat dit in Maart laer as in Februarie gaan wees. Die prys van kitsbevrore stukke was 0,3% hoër teenoor die vorige week, 1,6% laer teenoor ’n maand gelede en 6,9% laer op ’n jaargrondslag. Die afwaartse druk op die prys is waarskynlik omdat kleiner produsente hul produksie-eenhede verlede jaar uitgebrei het vanweë die laer mielieprys.