VARKVLEIS
Slagplaaskontrakpryse (c/kg, BTW uitgesluit).
In die week van 18 Januarie was die prys van spekvarke 4,4% laer as in die vorige week, 7,6% laer teenoor die vorige maand en 8,8% laer op ’n jaargrondslag. Die daling is waarskynlik die gevolg van groter oordragvoorrade vanaf Desember weens druk op die verbruiker se koopkrag. In die week van 25 Januarie kan die prys 0,8% laer wees as in die vorige week, 7,4% laer teenoor ’n maand gelede en 5,1% laer op ’n jaargrondslag. Die kans is 80% dat die prys in Februarie laer as in Januarie gaan wees. Vleisvarke se prys was in die week van 18 Januarie 6,3% laer teenoor die vorige week, 9,3% laer teenoor die vorige maand en 9% laer op ’n jaargrondslag. In die week van 25 Januarie kan die prys 1,9% hoër wees teenoor die vorige week, 6,5% laer teenoor ’n maand gelede en 4,4% laer op ’n jaargrondslag.