PRYSDALINGS IS TYDELIK

Oberholster verwag dat die huidige daling van sowat R10 per kilogram in die speenkalfprys tydelik is. Hy is optimisties dat enige hoër voorraadvlakke in die afwesigheid van uitvoergeleenthede weens die bek-en-klouseer binnelands verreken sal kan word.

“Die binnelandse vraag na rooivleis sal na verwagting die huidige aanbod kan hanteer, miskien nie teen die prysvlakke van die vorige 18 maande nie, maar steeds teen aanvaarbare pryse.”

Volgens Oberholster is dit belangrik dat enige daling in produsentepryse die verbruiker bevoordeel. Dit sal ook meehelp dat die verbruik van rooivleis bevorder word.