SWELLENDAM / DORMER / R23 000
Die totale aanbod diere is op die produksieveiling van Kinko Dormers naby Swellendam verkoop. Die duurste ram (nr. JS17-338) is teen R23 000 aan me. Erika Hanekom van die Rhenosterbosrug-stoetery, Malmesbury, verkoop. By die ram is, van links, mnr. Marius van Aarde van BKB, Hanekom, mnre. Johan Swart, verkoper, Len Bornman, afslaer, Hennie Hattingh van BKB en Saul Beukes, hanteerder. Stoetramme het gemiddeld R8 584 behaal, die kudderamme gemiddeld R6 333, stoetooie gemiddeld R3 253 en kudde-ooie gemiddeld R3 735. Die duurste geregistreerde ooi is teen R5 250 aan Bronze Fields Farm van Plettenbergbaai verkoop. Die veiling is deur BKB aangebied.