Koolstofbelasting vir landbou geld eers van 2023 af

DIE Nasionale Vergadering het die wetsontwerp op koolstofbelasting en ’n wysiging aan die Wet op die Nasionale Minimum Loon (Wet 9 van 2018) aanvaar.

Die wetsontwerp op koolstofbelasting is verlede November

deur mnr. Tito Mboweni, Minister van Finansies, bekend gestel. Dié wetgewing is geskoei op die beginsel dat die besoedelaar vir sy oormatige koolsuurgasvrystelling moet betaal.

As die wetgewing onderteken word voordat die Parlement in reses gaan voor die verkiesing, sal die eerste siklus van toepassing van 1 June 2019 tot 31 Desember 2022 strek.

Die primêre landbou is uitge-

sluit van die eerste siklus.

Die tweede siklus, waarby die landbou en bosbou ingesluit sal word, sal van 2023 tot 2030 strek.

MINIMUM LOON

Intussen is ’n voorgestelde wysiging aan die wetgewing oor die nasionale minimum loon aanvaar. Die wysiging stel ’n verwysingsfout in die vorige weergawe reg wat effektief veroorsaak het

dat die loon terugwerkend van 1 Mei 2017 geld, pleks daarvan dat die wet aandui dat dit onregverdige arbeidspraktyk is vir werkgewers om lone, werksure of ander voorwaardes van indiensneming te verander met betrekking tot die toepassing van die minimum loon.

Dié twee stukke wetgewing sal nou na die Nasionale Raad van Provinsies gaan vir aanvaarding.