HOU WAKENDE OOG OOR WILD OF STOETDIERE

Danksy EcoInsights se opsporingstoestel kan jy heeltyds ’n oog hou oor jou stoetbul of -ram. Dié toestel is ontwerp as ’n oplossing teen die grootskaalse stropery van renosters. Dit is ’n praktiese, stewige produk wat die Afrikabos kan weerstaan en is geskik vir wild en vee.

Die veetoestel weeg 48 g en die wildtoestel 52 g. Albei bevat ’n GPS-toestel, word met sonkrag gelaai, het parameteralarms en word net soos ’n gewone oorplaatjie aan diere se ore geheg. Die wildtoestel stuur ook alarms indien ’n geweerskoot afgaan.

Boere kan onmiddellik sien waar diere hulle bevind of skielike bewegings maak. Waarskuwings word uitgestuur wanneer diere skielike, ongewone bewegings maak, soos wanneer roofdiere of oortreders in die omtrek is. Boere kan ook ’n geografiese gebied aandui om ingelig te word of diere ’n bepaalde gebied binnegaan of verlaat.

Bykomende sagteware samel ook inligting in oor meer as een dier se bewegings en die diere se interaksie met mekaar. Data word outomaties ingesamel en kan maklik verwerk en onttrek word. Gebruikers meld deur middel van ’n profiel op die sagteware aan, wat beteken die data is privaat en dat die gebruiker die eienaar daarvan is.

Die maatskappy bied ook mikroskyfies wat in skape en beeste aangebring kan word. Dit kan diere identifiseer nadat hulle gesteel is en eienaarskap kan daarmee bewys word. PRYS: Veetoestel: R3 500 per toestel en R90 vir die gebruik van die platform. Wildtoestel: R5 500 per toestel en R280 per maand vir die gebruik van die platform. R20 vir ’n mikroskyfie.

NAVRAE: Sel 083 366 9533; webwerf: www.ecoinsights.co.za; e-pos: sales@ecoinsigths.co.za