Rooibos in die hoofrol

Rooibos-enheuningroomys

Rooibos en heuning is uitstekende pasmaats.

■ 500 ml room

■ 100 ml melk

■ 3 rooibosteesakkies

■ 80 ml heuning

■ 4 eiergele, geklits

■ 45 ml strooisuiker ■ 10 ml vanieljegeursel

Verhit die room, melk en rooibosteesakkies stadig oor lae hitte terwyl geroer word, tot dit nét begin prut.

Verwyder van die hitte, roer die heuning by tot dit in die melk opgelos is en verwyder die teesakkies. Klits die eiergele en strooisuiker tot lig en dik en giet die warm roommengsel in ’n dun straaltjie daarby terwyl aanhoudend geklits word.

Gooi alles terug in die kastrol en verhit stadig oor lae hitte tot die eiervla verdik en gaar is, maar nie kook nie. Verwyder van die hitte en roer die vanieljegeursel by. Laat afkoel en giet in ’n roomysmaker.

Karring tot gevries. Skep die roomys in ’n geskikte bak, bedek en vries tot benodig.

As jy nie ’n roomysmaker het nie, giet die afgekoelde mengsel in ’n vlak bak en vries vir ongeveer 3 uur tot net ferm. Skep uit in ’n mengbak en klits die roomys goed deur om die yskristalle op te breek.

Skep die mengsel in ’n geskikte bak, bedek en vries tot benodig.

Lewer ongeveer 750 ml roomys.

Skaapskenkels in rooibosmarinade

Dié vullende kasserol is smulsag.

■ 1 kg skaapskenkels, in skywe gesny

■ Sout en varsgemaalde swartpeper

■ 1 knoffelbol, gehalveer

■ 2 uie, in wiggies gesny Marinade ■ 250 ml sterk, koue rooibostee