VYFPUNTSUKSESPLAN
Die Jordaans se familieboerdery gebruik al 30 jaar laparoskopie om ooie te insemineer. Saam met grondige voedingspraktyke en bestuursbeginsels bereik die boerdery ’n lampersentasie van tot 170. Goeie skaapbestuur. Die Jordaans het twee lamtye, asook ’n derde winterlamtyd vir ooie wat klaar gelam het en laparoskopies behandel word.
Die onlangse besetting van die kuddeooie wat natuurlik gedek is, was sowat 97% met 63% meerlinge, teenoor ’n gemiddelde besetting van sowat 92%. Die jong ooie word al op 12 maande laparoskopies bevrug. Hulle oorwinter in die veld. Sowat ses weke voor paartyd word hulle verskuif na die weidings waar hulle teen roofdiere beskut is.
Genetiese verbetering as mikpunt.
’n Groot persentasie van die ramnageslag word as teeldiere gebruik. Die teelmateriaal van aanvullende bloedlyne word soms op nasionale veilings aangeskaf. Andrew jr. het drie jaar gelede Australiese poenateelmateriaal in saadvorm bekom om die plaaslike agterstand te probeer uitwis. Haarfyn aantekeninge. “Om ingeligte besluite te neem, moet jy goeie aantekeninge hê,” sê Andrew sr. Hy meen hul aantekeninge is van so ’n aard dat hy nou makliker kan bepaal wat die stoetery kortkom. Die mikpunt is vrugbaarheid en ’n balans tussen wol- en vleisproduksie. Die hoofdoel bly om ’n unieke kudde met die best e4 0% van die diere op te bou. Benut hulpbronne optimaal. Spekboomberg se Merino’s slaag daarin om gemiddeld meer as 5 kg wol met skeertyd te lewer danksy die bestuursprogram. Daarvolgens word die ooie drie weke voor lamtyd van die bergweiding na die meerjarige weidings oorgeplaas om ’n kondisieknou te voorkom.
Volgens Wilhelm, wat vir die weidingsbestuur verantwoordelik is, word sowat 1 000 ha, die bergplaas se droëlandverbouing ingesluit, bewerk. Mielies word jaarliks op 150 ha hiervan verbou vir kuilvoerproduksie vir die beeste.
’n Mengsel van raaigras, lusern en weidingsigorei word op sowa t3 50 ha om die melkstal aangeplant.
“Op die groot spilpuntlande wat verder geleë is, word lusern (SA Select) verbou wat vir eie gebruik gebaal en in korrelvorm verwerk word.” Op al die uitvalhoeke word lusern (SA Standaard) aangeplant, waarvan sommige meerjarige raaigrasmengsels bevat.
Wanneer indringergras die weiding oorneem, word meerjarige mengsels, soos ’n mengsel van lusern, weidingsigorei en tongblaar, hervestig. “Die siklusse van die lusernweidings wissel sowat vierjaarliks, maar die meerjarige raaigrasmengsels haal sowat ses tot sewe jaar sonder grasindringing,” sê hy. Van die weidings word afgewissel me tt ef vir die droë melkkoeie.
Beperk lamverlies. Verliese weens roofdiere word beperk deurdat die ooie op die weidings lam en die laparoskopie-ooie in lamhokkies. Die lamtyd is aangeskuif om die diere so laat moontlik in die winter te laat lam, en weer so vroeg moontlik in die somer weg te kry om parasietbesmetting op die weiding te voorkom. “Ons doseer ook al hoe minder,” sê Andrew. Hulle is wel bedag op bloutong, slenkdalkoors, rooiderm en bloednier. Die vervangingsooitjies word eenmalig teen bloutong geënt. Benewens die toepassing van ’n standaard-doseringsprogram, word mismonsters ontleed vir die regte behandeling.