Dié week in die landbou
By die onlangse oorhandiging van transportaktes aan lede van die Ebenhaeser grondeise r gemeenskap het pres. Cyril Ramaphosa en me. Maite Nkoana- Mas ha bane, minister van landelike ontwikkelinge n grondhervorming, sommer ook van die 50 C as eI H-trekkers besigtig wat die werktuig verskaffer Northmec by dié geleentheid gelewer het. Dit is die nuutste bestelling deur die regering in ’n reeks bestellings vir plaastoerusting by Northmec, wat insluit agt JX45T-trekkers van 33 kW, 27 JX95 Straddle-trekkers van 70 kW, en 15 JX100-trekkers van 82 kW. Ramaphosa het in sy toespraak benadruk dat die grond so produktief as moontlik gebruik moet word.
WOLWENDING
Die hooggeregshof in Lesotho het verlede week die regulasies wat die land se wol- en bokhaarboere verplig om hul vesel aan die staat se aangewese agent te verkoop, tersyde gestel. Dié stap het verlede jaar tot groot ontevredenheid onder die land se produsente gelei, wat jaarliks sowat 500 000 kg se wol aan Suid-Afrikaanse verwerkers verkoop. Teen druktyd was dit nog nie duidelik
wat die gevolge hiervan vir Suid-Afrikaanse wol- en bokhaarkopers was nie. Samesprekings tussenbedryf s verteenwoordiger sin die twee lande duur voort.
ROMMELSTATUS
“Ons renosters het nou rommelstatus bereik,” was die kommentaar van mnr. Pelham Jones, voorsitter van die Suid-Afrikaanse private renostereiena arsvereniging, oor die swak belangstelling in renosterkoeie op die onlangse veiling van mnr. John Hume. Hume het 71 renosters aangebied, waarvan 20 gesonde, vrugbare vroulike diere was. Daar was egter nie ’n enkele bod op een van dié diere nie. Daar was wel belangstelling in van die bulle, wat tussen R100 000 en R120 000 stuk gehaal het. “Hulle kan vir jagdoeleindes benut word,” verduidelik Jones, “maar nou verkoop ons goeie teelmateriaal as jagdiere vir ’n appel en ’n ei. As teeldiere is renosters egter niks meer werd nie. Hulle is te moeilik en te duur om te bewaar.”
VERGOEDING, EINDELIK
Die Zimbabwiese regering beoog om teen einde Mei grondwaardasies af te handel wat die vergoeding aan wit kommersiële boere sal bepaal wat grond verloor het in die regering se grond hervormingsprogram in die vroeë 2000’s. Volgens Bloomberg het die regering in ’n verklaring gesê dat RTGS$53 miljoen (R238 miljoen, luidens News24) begroot is vir voorlopige vergoeding. “Die afhandeling van die werk van die ad hoc- vergoedings werkgroep sal die regeringe n voormalige plaaseienaars, saam met samewerkende vennote, in staat stel om te beweeg na ’n afsluiting van die grondkwessie,” lui dié verklaring.
BETER BOKHAAR
Bokhaar Suid-Afrika het saamgespan met Textile Exchange, ’n internasionale organisasie wat volhoubare en verantwoordelike vesel waardeketting s bevorder. Die doel van dié samewerking is om die plaaslike bedryf se bestaande standaarde in ooreenstemming te bring met die internasionaal erkende Responsible Wool Standard-protokol. Die organisasie sê luidens ’n verklaring dat hy deurlopend die bedryf wil verbeter en “duidelike en deursigtige getuienis lewer van ’n etiese en verantwoordelike bedryf”. Die plaaslike bokhaarbedryf is verlede jaar deur die diereregtegroep Peta van dieremishandeling beskuldig.
WOLF NEEM DIE LEISELS
Mnr. Wolf Edmayr (foto bo), besturende direkteur van BKB, is laasweek tydens die Internasionale Wol tekstiel organisasie( I W T O) se jaarlikse kongres in Venesië tot dié organisasie se nuwe president verkies. Dit is die eerste keer dat ’n Suid-Afrikaner dié leiersrol vervul, en ’n groot eer, aangesien Suid-Afrika ’n betreklik klein wolprodusent op die wêreldmark is. Die IWTO is die erkende internasionale gesagsliggaam vir standaarde in die wol tekstielbedryf, en verteenwoordig reeds sedert 1930 die belange van die internasionale wolhandel.