Heerlike hoender: 10 maklike treffers
Maklike resepte met hoender is altyd in aanvraag. Hier is 10 hoendergeregte wat jy met basiese bestanddele en vinnig aanmekaar kan slaan.
Knoffelhoender
Net ’n hand vol bestanddele, maar ’n pan vól geurige lekkerte.
8-10 hoenderstukke ■
Gegeurde meel ■
80 ml olyfolie ■
10 heel knoffelhuisies, afgeskil ■
160 ml witwyn ■
250 ml hoenderaftreksel ■
45 ml gekapte, vars pietersielie of tiemie ■
Druk die hoenderstukke droog en bestuif met gegeurde meel. Skud enige oortollige meel af en braai die hoenderstukke in ’n diep swaarboompan in die olie tot goudbruin. Skep uit op ’n bord. Sit die knoffel in ’n pan en braai tot goudbruin. Voeg die wyn by en laat vir 1 minuut afkook. Voeg die aftreksel by, maak die pot toe en laat prut tot die knoffelhuisies sag is. Druk die saggekookte knoffel met ’n aartappeldrukker fyn. Sit die bruingebraaide hoenderstukke ook in die pot. Bedek en kook vir ongeveer 30-40 minute tot sag. Sprinkel die pietersielie of tiemie oor en sit voor met koeskoes of baba-aartappeltjies en slaai. Lewer 6 porsies.
Spaanse hoender met rys
8 hoenderporsies ■
Sout en varsgemaalde swartpeper na smaak ■ 15 ml olyfolie ■
1 ui, in dun wiggies gesny ■
1 groen en 1 rooi soetrissie, in repies gesny ■ 6 knoffelhuisies, fyngekap ■
10 ml paprika ■
500 ml witrys ■
750 ml hoenderaftreksel ■
250 ml witwyn ■
1 blik (410 g) gekapte tamaties ■
30 ml gekapte pietersielie ■
Vars suurlemoensap ■
Geur die hoenderporsies met sout en peper en braai in die olie in ’n groot swaarboompot tot goudbruin. Voeg die ui, soetrissierepies en knoffel by en braai tot sag. Voeg die paprika en rys by en braai vir 1 minuut. Voeg die aftreksel, wyn en tamaties by, roer goed en verhit tot kookpunt. Bedek en laat prut stadig tot die rys en hoender gaar is. Roer die pietersielie by en geur na smaak met sout en peper. Druk ’n paar wiggies vars suurlemoen oor die gereg uit net voor dit opgedien word. Lewer 4-6 porsies.
Maklikste hoenderpastei
Om hoenderpastei van meet af aan te maak, is nie moeilik nie, maar dit verg tyd. Deur ’n gaar winkelhoender te gebruik, kan jy blitsvinnig tuisgemaakte hoenderpastei maak!
45 ml botter ■
250 g gesnipperde sampioene ■
1 gaar hoender, ontbeen en gevlok ■
100 ml uiemarmelade of gesmoorde uie ■ 1 houer grasuie-geur roomkaas ■
200 ml melk ■
Sout en varsgemaalde swartpeper na smaak ■ 1 rol (400 g) voorbereide blaardeeg ■
1 eier ■
45 ml melk ■
Voorverhit die oond tot 200 °C. Verhit die botter in ’n pan en braai die sampioene daarin tot gaar. Hou eenkant. Meng die hoendervleis met die uiemarmelade of gesmoorde uie. Klits die roomkaas en 200 ml melk saam en voeg dit ook by. Geur na smaak met sout en peper en meng goed. Rol die blaardeeg dun uit en sny in die helfte. Voer ’n gesmeerde middelslagoondbak met die een helfte uit. Skep die vulsel in en bedek met die ander helfte deeg. Maak
vlak insnydings op die deeg. Klits die eier en 45 ml melk saam en verf die deeg met die mengsel. Bak vir 15 minute en verlaag die oondtemperatuur tot 170 °C. Bak vir ’n verdere 20 minute of tot goudbruin en deurwarm. Lewer 6 porsies.
Hoender met heuning, witwyn en suurlemoen (foto op bl. 65)
8 hoenderporsies (dytjies en boudjies) ■ 60 ml olyfolie ■
Sap van 2 suurlemoene ■
30 ml heuning ■
125 ml witwyn ■
180 ml hoenderaftreksel ■
1 ui, in dun wiggies gesny ■
4 knoffelhuisies, fyngekap ■
Sout en varsgemaalde swartpeper na maak ■ 1 heel suurlemoen, in dun skyfies gesny ■
Braai die hoenderporsies in ’n bietjie olyfolie in ’n pan tot goudbruin. Druk die suurlemoensap oor die hoender uit in die pan en drup die heuning oor. Verhit tot kookpunt en voeg die witwyn by. Laat vinnig opkook voor die hoenderaftreksel bygevoeg word. Pak die uiewiggies tussen die hoenderstukke en voeg die knoffel by. Geur alles goed met sout en peper. Verhit weer tot kookpunt, bedek die pan en laat prut stadig tot die hoender sag is. Druk die suurlemoenskyfies tussen die hoenderstukke in, haal die deksel af en prut verder tot die sous afgekook is. Sit voor op kapokaartappel of koeskoes. Lewer 6 porsies.
Maklike botterhoender
Ek gebruik ontbeende hoenderdye vir hierdie resep omdat dit sagte vleis is wat sappig bly.
15 ml elk olyfolie en botter ■
1,2 kg hoenderdye, sonder vel of been, ■ in blokkies gesny
2 uie, in wiggies gesny ■
15 ml elk fyn koljander en komyn ■
15 ml gerasperde, vars gemmer ■
5-10 ml garam masala ■
1 blik (410 g) tamatiepuree ■
250 ml hoenderaftreksel ■
180 ml Bulgaarse jogurt ■
180 ml room ■
Sout en varsgemaalde swartpeper na smaak ■
Verhit die olie en botter in ’n groot pan en braai die hoender daarin bruin. Voeg die uie en speserye by en braai vir 2 minute. Voeg die tamatiepuree en aftreksel by. Verhit tot kookpunt en prut vir 15 minute. Voeg die jogurt en room by en roer deur. Moenie weer kook nie. Geur na smaak met sout en peper en sit voor op basmati- of jasmynrys. Lewer 6 porsies.
Dik hoender-en-ryssop
Met ’n klaargeroosterde hoender spaar jy baie tyd en moeite, en dit kan ingespan word om in ’n kits ’n groot verskeidenheid gesinsetes te maak, soos hierdie sop.
1 klaargeroosterde hoender, ontbeen en in ■ klein stukkies gesny
4 liter hoenderaftreksel ■
180 ml rou witrys ■
3 knoffelhuisies, gekap ■
6 preie, fyngekerf ■
Sap en fyngerasperde skil van 1 suurlemoen ■ ■ ■ Sout en varsgemaalde swartpeper na smaak Gekapte, vars pietersielie, om af te rond
Sit die hoendervleis in ’n kastrol en voeg die hoenderaftreksel, rou witrys, knoffel, preie en vars suurlemoensap by. Prut vir 30 minute of tot die rys gaar en die sop verdik is. Geur na smaak met sout, varsgemaalde swartpeper, fyngerasperde suurlemoenskil en gekapte, vars pietersielie. Lewer 6-8 porsies.
Romerige kerriehoender
Dié aandete-staatmaker is een van die gewildste hoenderresepte wat ons al gepubliseer het, en lesers soek gereeld die resep. Dit het die lekkerste sous. Sorg dus vir genoeg rys of koeskoes hierby om ál die sous te benut.
2 kg hoenderporsies ■
Sout en varsgemaalde swartpeper na smaak ■ 250 ml volvetmayonnaise ■
250 ml blatjang ■
30 ml heuning ■
15 ml sterk kerriepoeier ■
30 ml vars suurlemoensap ■
80 ml water ■
5—10 ml mielieblom ■
Gekapte, vars pietersielie of koljanderblare, ■ om af te rond
Voorverhit die oond tot 180 °C. Pak die hoenderporsies in ’n enkellaag in ’n oondbak en geur met sout en varsgemaalde swartpeper. Meng die res van die bestanddele, behalwe die pietersielie of koljanderblare, goed en giet oor die hoender. Bedek met foelie en bak vir 40 minute. Verwyder die foelie en bak oop vir nóg 20-30 minu
te tot die hoender goudbruin en die sous borrelend en lekker dik is. Sprinkel pietersielie of koljander oor voor opdiening. Sit voor op koeskoes of rys en bedien met ’n mengelslaai of groente. Lewer 8 porsies.
Hoender-en-spinasielasagne
Gebruik oorskiethoender van die naweek se braai of van Sondag se oondhoender om hierdie ryk en romerige lasagne te maak.
500-625 ml gevlokte, gaar hoender ■ 1 pak (300 g) geroomde spinasie ■ 250 ml suurroom ■
180 ml hoenderaftreksel ■ Halwe pak (250 g) lasagnevelle ■ 125 ml gerasperde cheddarkaas ■ 100 ml gekrummelde fetakaas ■
Meng die gevlokte hoendervleis met die geroomde spinasie, suurroom en hoenderaftreksel. Skep ’n lagie van die hoenderen-spinasiemengsel in ’n oondbak en pak ’n laag lasagnevelle daarop. Herhaal die lae en eindig met ’n laag hoendervulsel. Sprinkel ’n mengsel van gerasperde cheddarkaas en gekrummelde fetakaas oor en laat staan vir 30 minute, terwyl jy die oond voorverhit tot 180 °C. Bak vir 20-30 minute tot goudbruin bo-op. Sit voor met slaai. Lewer 6-8 porsies.
Sesam-en-klapperkrummelhoenderslaai met vars vye Hoender
4 hoenderborsies ■
Sout en varsgemaalde swartpeper ■ 125 ml koekmeel ■ 2 eiers, geklits ■
125 ml klapper ■
125 ml vars witbroodkrummels ■ 45 ml sesamsaad ■
Olie, vir braai ■
Slaai
4 hande vol gemengde slaaiblare ■ 125 ml gesnipperde seldery ■
2 hande vol ertjiepeule ■
8 ryp vye, gehalveer of in kwarte gesny ■
Slaaisous
60 ml olyfolie ■
30 ml soet rissiesous ■ 30 ml wit druiweasyn ■ Sout en heuning na smaak ■
Sit elke hoenderborsie tussen twee stukke kleefplastiek en kap platter met ’n vleishamer. Geur met sout en peper en bestuif elke stuk plat hoender met meel. Doop elkeen in geklitste eier. Meng die klapper, broodkrummels en sesamsaad goed saam en druk die hoenderporsies daarin sodat dit met ’n egalige laag klapper, krummels en saad bedek word. Verkoel tot benodig.
Verhit ’n bietjie olie in ’n pan en braai die hoenderborsies daarin tot goudbruin en bros aan albei kante, en deurgaar. Skep die krummelhoenderborsies uit die pan, dreineer op kombuispapier en sny in repe.
Meng die slaaibestanddele op ’n opdienbord en rangskik die hoenderrepe daarop. Klits die olyfolie, rissiesous en asyn vir die slaaisous saam en geur na smaak met sout en heuning. Drup ’n bietjie oor die slaai en sit die res van die slaaisous teen die kant van die slaai voor. Lewer 4 porsies.
Hoendernoedelroerbraai met broccoli
Hierdie gereg is blitsvinnig om voor te berei en propvol geur. Jy kan ook ander groen groente pleks van broccoli gebruik. Spinasie of aspersies is heerlik saam met die soet, klewerige sous.
6 hoenderborsies, sonder vel en been ■
30 ml heuning ■
30 ml sojasous ■
45 ml rooiwynasyn ■
15 ml gerasperde, vars gemmer ■
30 ml suurlemoensap ■
1 rooi brandrissie, ontpit en fyngekap ■
30 ml olie ■
Sout en varsgemaalde swartpeper na smaak ■ 2 pakkies (85 g elk) kitsnoedels, 2 minute lank ■
in kookwater geweek en gedreineer
Sny die hoenderborsies in dun repies. Meng die heuning, sojasous, asyn, gemmer, suurlemoensap en brandrissie saam. Giet oor die hoenderrepies. Bedek en verkoel vir minstens 1 uur.
Haal uit die yskas en laat die hoendervleis kamertemperatuur bereik. Verhit die olie in ’n pan of wok tot baie warm. Skep die hoenderrepies met ’n gaatjieslepel of tang uit die marinade. Laat dit goed afdrup voor jy die repies in lotte in die baie warm olie bruin braai. Geur met sout en peper na smaak. Voeg die broccoli (of ander groente) by en roerbraai vir ’n paar sekondes. Voeg die res van die marinade by en roerbraai tot klewerig. Voeg laastens die gedreineerde kitsnoedels by en braai verder tot die noedels met ’n lagie sous bedek is. Sit dadelik voor. Lewer 8 porsies.