Boerekos 14 is hier!
Trudie van Zyl van die plaas Langverwacht, sowat 30 km buite Gochas, toor met wildsvleis.
Die kappertjieroomsous verhef schnitzels tot ’n feesmaal.
1 kg gemsbokfilet (jy kan ook
■ ander wild, soos eland of koedoe, gebruik)
250 ml koekmeel
3 ml elk sout, varsgemaalde
■ swartpeper en droë tiemie
50 ml elk botter en olyfolie 250 ml droë witwyn
500 ml hoenderaftreksel
Sap van 1 suurlemoen
45 ml kappertjiesaad, fyngekap 15 ml vars pietersielie, fyngekap 250 ml room
Sout en varsgemaalde swartpeper Ongeveer 10 kappertjiebessies
■
(caper berries)
Sny die vleis in dunnerige skywe. Sit die skywe vleis tussen twee velle plastiek en gebruik ’n vleishamer, koekroller of wynbottel om dit versigtig platter te slaan tot schnitzeldikte. Geur die koekmeel met die sout, peper en droë tiemie, meng goed deur en bestuif die skywe vleis met ’n lagie van die gegeurde meel.
Verhit die botter en olyfolie saam in ’n groot pan en braai die vleisskywe oor matige hitte daarin vir sowat 1 minuut aan elke kant. Skep die vleisskywe op ’n mooi opdienbord uit, bedek en hou warm.
Sous: Voeg die wyn by die pansappe in die pan en verhit tot kookpunt, terwyl die boom van die pan geskraap word. Kook vinnig tot daar net sowat 4 eetlepels van die wyn in die pan oor is. Voeg die aftreksel, suurlemoensap, kappertjiesaad en pietersielie by. Verhit tot kookpunt en prut vir ’n paar minute. Voeg nou die room by en verhit weer tot kookpunt. Prut tot die sous effens verdik is.
Geur met sout en peper en skep die sous oor die vleis. Garneer met kappertjiebessies. Sit die gereg voor met gekookte baba-aartappels en ’n Griekse slaai. Lewer 6 porsies.