ROOIBOSNAVORSING KRY INSPUITING VAN R4 MILJOEN
DIE SuidAfrikaanse rooibosraad (Sarc) het R4,5 miljoen in navorsing oor die volgende 12 maande belê om die medisinale eienskappe van dié gewas te ondersoek.
Volgens mnr. Martin Bergh, voorsitter van Sarc en uitvoerende hoof van Rooibos Beperk, word dié bedrag in geheel deur die raad gefinansier, sonder enige staatshulp.
Mnr. Joe Swart, medeeienaar van J oe k els rooibostee verpakker sen navorsings direkteur van Sarc, sê dit is belangrik om wetenskaplike bewyse te verkry oor die medisinale eienskappe van rooibostee.
“Baie ander kruigebaseerde behandelings het nie bewyse nie. Weens die toenemende gebruik van natuurlike bestanddele vir ’n gesonde lewenstyl wêreldwyd is dit noodsaaklik dat Sarc betroubare data inwin oor rooibos se genesende potensiaal.
“Sarc het oor die afgelope dekade baie hulpbronne in die navorsing belê en ons het ’n opwindende stadium bereik. Ons het nou gevorder tot waar ingrypende behandeling op mense beproef gaan word. Dit is die finale fase van die navorsing.”
NODIGE DOSIS
Prof. Jeanine Marnewick, hoof van die Kaapse Skiereilandse Universiteit van Tegnologie (KSUT) se sentrum vir oksidatiewe stres, sal die navorsing lei. Sy sal ’n 12 weke lange studie gebruik om te bepaal watter dosis rooibostee in gekonsentreerde vorm nodig is om ’n gesonde hart te ondersteun.
“Ons sal rooibostee se invloed toets op verskeie risikofaktore wat met die ontwikkeling van hartsiektes verbind word. Dit sluit onder meer in cholesterolvlakke, oksidatiewe skade aan lipiede, inflammasiereaksies, metaboliese siektes en bloeddruk by 300 volwassenes,” sê Marnewick.
Ander navorsing by die KSUT en die Universiteit Stellenbosch sal konsentreer op die hartbeskermende eienskappe by MIVpositiewe pasiënte wat antiretrovirale behandeling ontvang. Rooibostee se vermoë om hooikoors te voorkom, sportprestasie te bevorder, velsiektes te genees en vetsug te behandel sal ook aandag kry.
“Ons is op die drumpel van ’n nuwe era wat navorsing oor natuurlike produkte betref. Dit kan lei tot die medisinale gebruik van plante soos rooibos,” sê Swart.
—