Plaasveiligheid: Die voorsprong van opleiding
Geel blare kan byvoorbeeld op ’n stikstoftekort dui. “Party boere sê hulle het nie so iets nodig nie of kan dit nie bekostig nie. Dié soort diens raak egter gaandeweg goedkoper.”
RESIDUBESTUUR BELANGRIK
Die buiteland is sterk gekant teen residu van sekere chemikalieë op produkte wat deur boere geproduseer word. Almal in die waardeketting moet dus deeglik aandag aan residubestuur gee.
Mnr. André Broeksma, hoof van produkontwikkeling en -registrasie by Bayer, sê daar kan nie langer nét met chemiese gewasbeskerming aangegaan word nie. Sommige produkte wat daarmee behandel word, word uitgevoer, en die klem op residu op produkte word ál groter. Dit is dus tot op plaasvlak belangrik om residubestuur toe te pas.
Pasgemaakte oplossings is nodig om ’n boer se produktiwiteit te verhoog. Dit begin by kultivars wat by ’n betrokke streek aangepas is, met ’n hoë opbrengsvermoë. Die saad moet behandel word om dit teen plae en aalwurms in die grond te beskerm.
Onkruidbestryding moet toegepas word terwyl die plant groei, maar op só ’n manier dat daar nie ’n weerstand teen die middels ontstaan nie. Bayer spits hom gevolglik sterk op biologiese gewasbeskerming toe, maar die boer het steeds chemiese gewasbeskerming nodig, anders kan hy nie doeltreffend produseer nie.
Nuwe produkte met nuwe aktiewe bestanddele moet dus voortdurend ontwikkel word. Tot 200 000 bestanddele moet geëvalueer word voordat ’n produk die gewenste uitwerking op ’n onkruid het, en oor ’n aanvaarbare omgewings- en gesondheidsprofiel beskik.
Die meeste produkte haal nie die paal nie nie, grootliks as gevolg van reguleringsdruk uit die Europese Unie, wat sulke middels moet goedkeur. Die proses is baie duur, en dit kan tót R2,5 miljard kos om ’n nuwe produk te ontwikkel en bekend te stel.
Sien ook “Beweeg na nuwe bestuursrat vir oorlewing”, LBW, 5 April 2019, vir buitelandse kenners se visie oor die toekoms.