Beste skoubulle ding mee

Skoue is ’n belangrike deel van die Suider-Afrikaanse stoetveebedryf se geskiedenis. Tydens die Veeskool word dié top-skoubulle verder beoordeel, waarna ’n wenner aangewys word.

Diere is in die verlede slegs beoordeel op grond van hul fenotipe, oftewel dit wat ’n mens sien. ’n Dier se fenotipe kan egter misleidend wees omdat omgewingsfaktore, soos voeding, ’n rol daarin speel.

Die waarde van ’n teeldier lê in sy vermoë om goeie genetiese kenmerke vir die belangrike eienskappe aan sy nageslag oor te dra. Hierdie vermoë kan slegs deur teelwaardes bepaal word.

Die Lewendehawe-registrerende Federasie (LRF) het 14 jaar gelede besluit om teelwaardes na die skouring te neem en dit deel te maak van die kriteria waarvolgens skoubulle beoordeel word. Hierdie skoue word gebruik om genetiese vordering vir ekonomiese eienskappe te bevorder. Alle bulle van 12-36 maande oud met beraamde teelwaardes op skoue (LRF- of Stamboekrasse) kan deelneem.

Standaardkriteria word gebruik om die teelwaardes (gevan boorte-, speen-, jaaroud-, finaleen volwasse gewig, asook skrotumomtrek te meet. Die bul se visuele punt maak die helfte uit, en teelwaardes die res.

Bulle neem binne rasverband deel. Daarna ding die onderskeie raswenners visueel mee in die interraskompetisie vir die posisie algehele skouwenner vir die betrokke skou (sien die TABEL ).

Tydens die Aldam-veeskool se prysuitdelingsaand wys die LRF ’n algehele interraswenner aan uit ál die algehele wenners van die verskillende skoue. Dié wenner word slegs op grond van teelwaardes bepaal.