Kleinveeboer wys hoe: Wins 50% hoër in droogte
Ons was aangenaam verras om te sien dat ons beskikbare stikstof nie wesenlik verlore gaan nie en dat dit wel vanaf die tussenry na die binnery beweeg. Dis waarom ons nie elke jaar in dieselfde rye wil plant nie.”
Ontleding van na-oesgrondmonsters toon ook dat die groot hoeveelhede stikstof wat hulle toedien, nie hul grond se koolstofvlakke nadelig raak nie. Nog ’n toets is om waterstofvlakke in die grondwater te ontleed en die grondsuurheid (pH) te meet om die versuringseffek van stikstofbemesting te monitor. “Ons is tevrede dat ons grond nie aan die versuur is nie.”
Hulle meet ook ensiemvlakke as ’n aanduiding van mikrobelewe in die grond.
Daarbenewens hou hulle die uitwerking van wisselbou op grondmikrobes fyn dop.
“Ons het al in die somer, wanneer mikrobebedrywigheid op sy laagste behoort te wees, ontledings gedoen om te kan aflei watter uitwerking die gewaskeuse van die vorige produksiejaar op die mikrobes het. Ons ontledings kon al ’n paar dinge bevestig wat ons eintlik geweet het, soos dat lusern ’n gunstige uitwerking op mikrobelewe het, maar dat die biologiese berokingseffek van kanola ’n nadelige uitwerking op die werking van urease kan hê.”
Urease is ’n ensiem wat ureum deur hidrolise na ammoniak en koolsuurgas omskakel. Dit het daartoe gelei dat hulle stikstof in nitraatvorm toedien op sekere lande waar koring ná kanola geplant word.