Nuttig en nuut
Die opsporing en monitering van waardevolle voertuie, vee en roerende bates is maklik en bekostigbaar met die elektroniese moniteringstoestel EziTrack. Hierdie diens is doeltreffend sodat jy altyd weet waar jou bakkie of trekker is.
Met behulp van ’n EziTrack-tegnikus kan jy die opsporingseenhede laat installeer of self installeer (bedryfspanning 6V-30V). Vir voertuie wat nog onder waarborg is, word geakkrediteerde installasie aanbeveel.
In voertuie word EziTrack-opsporingstoestelle vooraf opgestel om op die nuutste GPS-opsporingsagteware te werk. Die SIMkaart in die toestel gebruik wel data, wat ’n bykomende koste per maand meebring (tipies sowat 100 MB data).
Intydse monitering en daaglikse verslae is beskikbaar om voertuig- en batebestuur makliker te maak. Monitering vanaf jou rekenaar, tablet of slimfoon geskied met
EziTrack se rekenaarsagteware en slimfoontoepassing.
Dié GPS-toestel dien as ’n blitsige spoorsnyer en is ’n doeltreffende manier om ’n werktuig wat iewers op
’n land staan, op te spoor, of om die ligging vas te stel van ’n trekker of voertuig wat iewers vasgeval het, in ’n ongeluk was of gesteel is.
Vir bestuurs- en belastingdoeleindes kan die stelsel ook ’n logboek byhou, en volledige statistieke en verslae is beskikbaar.
Pasgemaakte opsies vir individue, ondernemings en plase is beskikbaar. Met EziTrack kan jy ook jou diere – vee en troeteldiere – se ligging intyds en oral ter wêreld besigtig.
Daar is ook ’n opsporingstelsel en noodknoppiediens vir persoonlike monitering beskikbaar. Dit is ideaal vir kinders of ouer mense wat kwesbaar is, of vir werknemers wat alleen ver moet reis of op verafgeleë plekke werk.
Die aansluitingstarief beloop R360. Daarna geld jaarlikse lisensiegeld (R360) vir elke toestel. Dit gee jou toegang tot die programmatuur, slimfoontoepassing (in die Google Play Store of die IOS App Store) en om die daaglikse verslagstelsel te gebruik.
Die dekking van die opsporingstelsel is gekoppel aan die GSM-netwerkdekking in die betrokke gebied. As die GSM-dekking te swak is, sal die eenheid data bêre en bywerk sodra die netwerksein weer goed is.
Spesifieke kennisgewings wat beweging buite ’n betrokke gebied aandui, is ook moontlik met die opstel van ’n geografiese “heining”.
PRYS: R360 per jaar.