SANTAM, SANLAM MAAK REUSESKENKING VIR DROOGTEHULP
Santam en Sanlam het altesame R3 miljoen geskenk om bystand te lewer aan boeregemeenskappe wat tans gebuk gaan onder die voortslepende droogte.
Die skenking is op 6 Februarie aan Agri SA oorhandig. Agri SA koördineer verskeie projekte om droogtehulp aan boere reg oor die land, maar veral die Noorden Oos-Kaap, te verskaf.
Mnr. Christo van der Rheede, adjunk- uitvoerende direkteur van Agri SA, sê boere en plaaswerkers is uiters dankbaar vir die skenking en dat dit nie net verligting nie, maar ook hoop bring. Agri SA versoek ander maatskappye om, soos Santam en Sanlam, te help om die landboubedryf deur die droogte te dra.
ANDRE ROUX skryf: Ek hoop net dis vir die regte mense gegee en nie die regering nie. Baie dankie vir die bydrae.
STEPHEN CLOETE skryf: Hierdie skenkings gaan net vir Agri SA se lede en werkers. Geen van hierdie skenkings gaan na ander boere en veral klein veeboere wat nie lid van Agri SA is nie. Ek
is lid van Concordia se boerevereniging, asook lid van Agri SA, en sal dus seker hierby baat vind, maar wat van die ander boere wat nie lid is nie? Agri SA, ek hoop dat julle ook aan die ander boere dink as enige hulp verleen gaan word
RONELL HUGO skryf: Die probleem is die boere het nie eens meer geld vir brandstof nie. Kontantvloei is boere se grootste probleem, want die ooie was te maer (om dragtig te raak en lammers groot te maak wat verkoop kon word).
RIAAN BOTHA skryf: Wat my pla, is dat hulle alweer oor water praat in die berig. Gaan die boere voer kry vir hul diere uit hierdie geld uit?
EBEN LEE skryf: Baie dankie.