STATUTÊRE HEFFING NOU OP ALLE GRANATE
Die speenkalfbedryf is ontwrig vanweë die verbod op veilings. Veilingspryse is gegrond op regstreekse verkope van produsente. In die week van 14 Februarie was die speenkalfprys 1,8% hoër teenoor ’n maand gelede en 16,1% hoër op ’n jaargrondslag. Die kans is 75% dat die prys in Maart laer gaan wees as in Februarie. In die week van 14 Februarie kan die prys van klas A1/A2 3,2% hoër wees teenoor die vorige maand en 18,8% hoër op ’n jaargrondslag. Die kans is 70% dat die prys in April hoër as in Maart kan wees. Die prys van klas C2/C3 kan in die week van 14 Februarie 1,6% hoër wees teenoor ’n maand gelede en 6,6% hoër op ’n jaargrondslag.
In die week van 7 Februarie was
klas A2/A3 se prys 2,2% hoër teenoor die vorige week. In die week van 14 Februarie kan die prys 0,9% laer wees teenoor die vorige week, 3,7% hoër teenoor ’n maand gelede en 12,6% hoër op ’n jaargrondslag. Gegrond op historiese prysneigings is die kans 95% dat die prys in Maart laer gaan wees as in Februarie. Klas C2/C3 was in die week van 7 Februarie 5,4% goedkoper as die vorige week. In die week van 14 Februarie kan die prys 0,7% hoër wees teenoor die vorige week, 6,6% laer teenoor ’n maand gelede en 4% laer op ’n jaargrondslag. Die prys van stoorlammers was in die week van 14 Februarie 1,3% hoër teenoor die vorige week, 9,6% hoër teenoor ’n maand gelede en 0,5% hoër op ’n jaargrondslag. Die prys word tans gesteun deur die hoër vraag na klas A2/A3.
* Beraamde pryse: Weens die skommelende wisselkoers kan sommige produktepryse in dollarwaarde styg, maar in randwaarde daal, of omgekeerd. ** Verwagte prysneiging.
Spekvarke se prys kan in die week van 14 Februarie 0,9% laer wees teenoor die vorige week, 2,5% laer teenoor ’n maand gelede en 3,3% hoër op ’n jaargrondslag. Vleisvarke kan 4,6% duurder wees op ’n jaargrondslag.
Die prys van bevrore braaihoenders was in die week van 14 Februarie 1,6% hoër teenoor die vorige week en 6,7% hoër op ’n jaargrondslag. Vars braaihoenders was 1,2% duurder teenoor die vorige week en 9,3% duurder op ’n jaargrondslag. Kitsbevrore stukke was 6% duurder op ’n jaargrondslag.
’n Statutêre heffing is nou op alle granate van toepassing, wat beteken dat ’n heffing nie net meer op uitvoergranate van toepassing is (soos voorheen) nie, maar ook op vrugte wat plaaslik verbruik word. Me. Thoko Didiza, minister van landbou, landelike ontwikkeling en grondhervorming, het ’n heffing van 15c/kg op alle graad 1-granate vir 2020 en 2021 goedgekeur en 16c/kg vir 2022 en 2023. Op graad 2- en verwerkte granate sal 9c/kg vir 2020 en 2021 geld en 10c/kg vir 2022 en 2023.
Me. Nina Viljoen, landbou-ekonoom by Hortgro, sê altesame
1 676 160 kartonhouers granate van 3,8 kg is in 2019 uitgevoer. Dit is 40% meer as in 2018
(1 168 000 kartonhouers).
“Tans is net meer as 1 024 ha onder granaatboorde in die land, waarvan 81% in die Wes-Kaap. Sowat 15% daarvan is in die Bergrivierstreek en 14% in Wellington.”
’n Sterk groei in granaatuitvoer het sedert 2012 plaasgevind. In 2012 is net meer as 483 600 kartonhouers uitgevoer. Uitvoer het daarna jaarliks gestyg – afgesien van 2018, toe daar ’n daling was wat grotendeels toegeskryf kan word aan die droogte.
Die meeste granate word uitgevoer na die Midde-Ooste, Europa, Brittanje, die Verre-Ooste en Asië. In 2019 is net meer as 400 ton plaaslik bemark as vars vrugte en vir verwerking. Dit is sowat 7% meer is as in 2018. Die kultivar Wonderful word die meeste aangeplant, naamlik 70% van plaaslike aanplantings. Daar word na meer kultivars gekyk, maar min word al kommersieel aangeplant.