Opjulmerke, gereed,baal!
Dit is weer tyd om die voerbanke aan te vul. Die hooimaakseisoen is op ons drumpel en talle boere is gereed om in nuwe, doeltreffender balers te belê.
Vermeer, ’n vooraanstaande Amerikaanse werktuigvervaardiger, se ikoniese geel werktuie en balers is by Northmec-takke en -handelaars in Suid-Afrika beskikbaar.
Vermeer is al sedert 1948 ’n betroubare verskaffer en vervaardiger van gehalte-landbouwerktuie. Die reeks rondebalers wat plaaslik beskikbaar is, sluit die 504R Classic, 504R Premium en die 604N Cornstalk Special in. Al drie modelle het ’n aanpasbare baalkamer met ’n baalgrootte van 1,52 m tot 1,82 m.
Northmec lewer ook tegniese ondersteuning, naverkopediens en verskaf onderdele vir onderhoud aan Vermeer-werktuie.
BAAL MIELIERESTE
Die 604N Cornstalk Specialbaler is spesifiek ontwerp vir die moeilike toestande wat mieliereste veroorsaak.
“Danksy eienskappe soos ’n versterkte optelmeganisme, swaardiens-klipbande, ’n vogmonitor en weegselle met ’n skaal is dit ’n buitengewone baler,” sê mnr. Marcel du Plessis, nasionale verkoopsbestuurder van Northmec Implements.
Die baler het ook ’n unieke optelkoppelaarstelsel wat die optelmeganisme tot stilstand bring sodra die baal begin bind. Dit verseker ’n eenvormige baalgrootte en verminder slytasie omdat dele nie onnodig beweeg nie.
’n Outomatiese ghriesstelsel verleng die rollaers se gebruiksduur drasties. Die 604N Cornstalk Special-baler is gebou om te hou en kan enige voergewas met gemak baal.
504R CLASSIC EN PREMIUM
Die 504R-baler het twee modelle, die Classic en Premium. Die groot verskil is die gewig van die baal. Die Premium-baler het ’n aansienlike hoër kapasiteit as dié van die Classic-baler. Die swaarder bale wat die Classic lewer, beteken jy kan meer hooi per volume in jou voerbank opberg.
Dié balers lewer albei ’n baal met ’n standaarddeursnee van 152,4 cm en ’n baalwydte van 119,4 cm.
Albei balers benodig 33,6 kW van die kragaftakker af.