Leer oor plantgesondheid op Pannar-gewasskoue
Dit is weer tyd vir Pannar se gewilde reeks gewasskoue, oftewel die Pannar Extravangaza. Danksy kundigheid oor vele gewasse en uitsonderlike agronomiese inligting wat oorgedra word, is dié gewasskoue ’n hoogtepunt op Suid-Afrikaanse graanboere se kalender
Vanjaar se reeks Pannar Extravaganza-dae word in Februarie en Maart reg oor die somerreënmielieproduksiegebied aangebied. Dit bied aan boere ’n uitstekende platform om Pannar se nuutste produkte eerstehands te sien en op ’n persoonlike vlak met die maatskappy se kundiges en bestuurders te kommunikeer.
Pannar ondersteun vanjaar die InternasionaPlantgesondheid le Jaar van (IJP). IJP 2020 is ’n inisiatief van die Verenigde Nasies se Voedselen Landbou-organisasie. Dit is ’n internasionale bewusmakingsveldtog om te toon hoe ’n verbetering in plantgesondheid honger en armoede kan verlig, die omgewing kan beskerm en ekonomiese ontwikkeling kan bevorder.
Pannar nooi boere uit om te leer hoe hulle plantgesondheid kan bevorder tot voordeel van die mens, die natuur, die omgewing en die ekonomie. Besprekings oor plantgesondheid en inligting oor Pannar se gewasportefeulje vorm die grondslag van die Extravangaza, naamlik:
■ Witmielies. Nuwe basters met w e e r s t a n d s gene teen stronkboorders (tweede generasie), en die bestuur van plantgesondheid.
■ Geelmielies. Opwindende nuwe vinnige en mediumvinnige basters, en die bestuur van plantgesondheid.
■ Besproeiingsmielies. ’n Onoortreflike, vinnige wit- en geelbasterpakket. Die bestuur van plae en insekte.
■ Sonneblomme. Die toonaangewende konvensionele en Clearfield® Plus-basterpakket. Siektetekens, simptome en wenke vir bestuur.
■ Sojabone. Vier besonderse nuwe kultivars. Die bestuur van siektes wat van ekonomiese belang is.
■ Droëbone. ’n Nuwe rooi gespikkelde en ’n klein, wit inmaakkultivar. Siektes en bestuur.
■ Voergewasse. Lusern, eenjarige raaigras, meerjarige raaigras, groenvoer, Japannese radyse, voersorghum en tef.
■ Kuilvoer. Gesondheid, die fermentasieproses, inokulante en die bestuur tydens die uithaal van die kuilvoer.
■ Koring. ’n Uitsonderlike lentetipe kultivarpakket, en hoe om jou koringaanplanting vir die beste resultate te bestuur.
■ Graansorghum. Basters vir prestasievertroue.
PROGRAM
’n Opwindende bonanza-beloningsprogram vorm vanjaar deel van die Extravanganza. Boere kan in aanmerking kom vir ’n bonanza-geskenk indien hulle voor 31 Maart 2020 ’n bestelling plaas.
Die Delmas Extravaganza word op 26-27 Februarie aangebied. Daaropvolgende Extravaganzas vind in die Vrystaat naby Kroonstad plaas en in Noordwes by Biesiesvlei naby Lichtenburg.
Die Extravaganzas is veral toegespits op kommersiële produksie, maar die geleentheid op 18 Maart by Biesiesvlei is spesifiek op ontwikkelende en kleinboere gerig.
Me. Christin Hunter is bestuurder vir bemarkingskommunikasie by Pannar.
■ Daar is planne te maak met laegraadse ruvoer en alternatiewe voerbronne, maar kenners waarsku dat boere die eienskappe, voorén nadele van die voer en bronne moet ken en verstaan. ■ Deur laegraadse voer te maal en te verkorrel, kan die smaaklikheid en verteerbaarheid verhoog word, diereprestasie kan verbeter en vermorsing kan beperk word.