ALLIS-CHALMERS OP DIE KRUIN
Harry Merrit is die man wat Allis-Chalmers regdeur die Groot Depressie 25 jaar lank op die regte pad gehou het.
Lank voordat die maatskappy Allis-Chalmers Manufacturing Company in 1901 met die samesmelting van twee groot ondernemings gestig is, was Edward P. Allis en Frazer & Chalmers gevestigde ingenieursondernemings in Amerika. Hul groot verskeidenheid produkte het onder meer stoom- en saagmeulmasjinerie en mynboutoerusting ingesluit.
Die baie “ysters in die vuur” het egter sy tol geëis, want in 1913 het bankrotskap die maatskappy – eintlik ’n konglomeraat van ondernemings – in die gesig gestaar, en dit is in sakeredding geplaas.
’n Oud-weermagman, brig.genl. Otto Falk, het toe die taak gekry om Allis-Chalmers reg te ruk. En wat doen Falk? Hy voeg nóg ’n reeks produkte by die bestaande, uitgebreide lys, maar darem nadat hy van baie produkte ontslae geraak en die oorblywendes se vervaardigingsen bemarkingsaktiwiteite meer vaartbelyn gemaak het.
Die meganisering van die landbou het in daardie jare op dreef gekom en Falk het besef dat hy met die regte produkte die wankelende Allis-Chalmers weer op die pad van voorspoed kon plaas. Hy het egter nie ’n kitsresep gehad nie, want die eerste trekkerreeks se verkope was so-so, en die Tractor Truck was ’n skouspelagtige mislukking. Sy planne om met landboumeganisasie geld vir die moedermaatskappy te maak, het eers op dreef gekom met die aanstelling van Harry Merrit in 1926.
Merrit se eerste sukses was die Allis-Chalmers Model U (1929-1952). Dit was ook die eerste trekker wat Merrit in die kenmerkende poppy red laat verf het. Die U in die naamgewing het die United Machinery Company verteenwoordig, want dié groep het baie ombouings en toevoegings vir Henry Ford se Fordson F vervaardig. Toe Ford sy trekkervervaardiging in 1928 in Amerika stopgesit en na Brittanje verskuif het, was United bang hy verloor sy mark in Amerika. Merrit het toe ingewillig om ’n “plaasvervanger” vir die Fordson te maak, en só het die U op staalwiele in 1929 op die mark gekom.
TREKKER-RESIES
Op ’n dag het Merrit verneem dat ’n trekkerhandelaar vragmotorbande op trekkers gesit en só verkoop het, en hy het planne begin beraam. Hy het met Harvey S. Firestone in verbinding getree, wat dadelik ingewillig en groot vliegtuigbande vir eksperimentering beskikbaar gestel het. Uit die navorsing en ontwikkeling wat ingenieurs gedoen het, het dit geblyk dat trekkers op laedruk-lugbande meer krag op die trekstang lewer en boonop ligter op brandstof is. Vanselfsprekend kon die trekkers vinniger beweeg en was dit ’n gemakliker rit vir die trekkerbestuurder.
In 1932 was die Allis-Chalmers U die eerste trekker wat met rubberbande beskikbaar was.
Merrit was nie beïndruk met die verkoopsyfers
Hy het ’n vierde rat vir drie trekkers ingebou en drie gerekende renjaers gekry om op renbane vertonings met dié ‘resiestrekkers’ te lewer.
EN
Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie.
Die rooster is vol syfers, maar niks hoef bymekaargetel te word nie. Jy los die raaisel met logika en beredenering op.
Lees meer by http://en.wikipedia.org/wik/Sudoku