KATOENPRYS KAN DAAL

Die internasionale katoenadvieskomitee (ICAC) voorspel ’n 2%-styging in wêreldwye katoenproduksie vir die 2019-’20 bemarkingsjaar, oftewel 26,3 miljoen ton. Katoenverbruik en die handel in katoen het egter afgeneem vanweë die Covid-19-pandemie, en het na verwagting met 3% gedaal tot sowat 23 miljoen ton. Dit sal lei tot eindvoorrade van 21,75 miljoen ton – die hoogste in vyf jaar, wat die internasionale pryse vir die 2020-’21 bemarkingsjaar onder druk sal plaas. ’n Gemiddelde Cotlook A-indeks (’n aanwyser van internasionale katoenpryse) van 59 Amerikaanse sent per pond word verwag (R10,23 per 453 g), teenoor vanjaar se verwagte prys van 72 sent per pond (R12,48 per 453 g). Suid-Afrika se prysekwivalent is sowat R27,37/kg.