Gesaaides kry ’n afdroogkans
BOERE kan volgens langertermyn-weervoorspellings uitsien na ’n “paar duim sonskyn” tot die einde van die maand – iets wat veral graanboere met versuipte graanlande graag wil hê.
“Kort- tot mediumtermynvoorspellings wys vir omtrent die eerste keer die afgelope twee maande min of geen reën oor groot dele van die land, behalwe oor die verre oostelike dele, tot minstens die eerste week van Maart,” sê mnr. Johan van den Berg, onafhanklike landbouweerkundige.
Die droër toestande is slegte nuus vir die westelike dele van die land wat steeds op goeie reën of op opvolgreën wag, maar word verwelkom in gebiede soos die Noordwes-, Noord- en OosVrystaat
waar verdere reën baie groot skade aan gesaaides kan veroorsaak.
Redelik warm toestande met temperature bo 30 °C en betreklik min bewolkte toestande kan oor die graangebiede voorkom, met die uitsondering van die oostelike produksiegebiede soos Mpumalanga. Van den Berg sê met die warmer toestande kan rekordoeste behaal word in gebiede waar daar nie versuipskade is nie en waar voldoende bemesting toegedien is.
Hy waarsku veeboere om te waak teen parasiete en siektes by vee vanweë die stilstaande water en warm toestande.
DROOGTE KLÓÚ
Dele van die Kalahari, soos Van Zylsrus, Askham, Pofadder, Kenhardt, Prieska, Upington en die gebied wes van Daniëlskuil, asook die sentrale tot noordelike dele van die Karoo het verlede maand reën gekry, maar weens die gebrek aan opvolgreën het weidingstoestande weer begin