Dié week in die landbou
’n gesamentlike kongres om meer voorspelbaarheid in die bedryf mee te bring. SHAFFE, die Suidelike Halfrond se vereniging van varsprodukte-uitvoerders, wil inligting oordra rakende huidige produksieen handelsneigings vir sagtevrugte. Hulle wil dit in ’n verenigde front aan hul handelsvennote duidelik stel dat voorsieningstabiliteit ’n voorrangsaak in die Suidelike Halfrond is, sê mnr. Anton Kruger, uittredende president van SHAFFE en uitvoerende hoof van die varsprodukte-uitvoerdersforum. Verbruikers- en handelsneigings van sleutelmarkte soos Amerika, Brittanje, Duitsland, Rusland en China sal onder die loep kom. Besoek bit.ly/3d1P8ig/ of stuur ’n e-pos aan Nelli Hadju by Shaffe@
om te registreer.
DRUIWE VIR CHINA
Die Suid-Afrikaanse tafeldruifbedryf (Sati) beoog ’n groot bemarkingsveldtog in China vanaf Maart, danksy ’n strategiese vennootskap met die Wes-Kaapse departement van landbou. Die oogmerk is om die uitvoer van Wes-Kaapse landbouprodukte in die komende vyf jaar met 5% te laat groei. Mnr. Clayton Swart, woordvoerder van die tafeldruifbedryf, sê die veldtog sal gemik wees op grooten kleinhandelmarkte in China. Dit sal ook druiwe insluit van opkomende boere wat deur die provinsiale regering en Sati ondersteun word. Dr. Ivan Meyer, Wes-Kaapse minister van landbou, sê die tafeldruifbedryf het 40 000 mense in diens, en groei in die uitvoermark is deurslaggewend vir ekonomiese herstel in die provinsie. Indien uitvoergroei van 5% oor die volgende vyf jaar bewerkstellig kan word, sal ’n bykomende 19 000 werkgeleenthede geskep word.
MARKGAPING
Sedert die Chinese regering in November tariewe van tot 212% op Australiese wyn begin hef het, asook op ’n reeks ander Australiese landbouprodukte, het wynuitvoer uit Suid-Afrika na China met 50% gestyg, luidens die handelsorganisasie Wines of South Africa (Wosa). Reuters berig China het voorheen byna 40% van Australië se uitvoerwyne gekoop. Wosa hoop die syfer van 50% kan selfs meer styg wanneer bestaande Australiese voorraad in China opgebruik word tydens die Chinese nuwejaarsvieringe. Mnr. Shaun McVey, bemarkingsbestuurder van die wynlandgoed Vergenoegd Löw, sê hulle kon ná ’n onlangse nuwe ooreenkoms hul jaarlikse besending van 3-4 vraghouers wyn na China verhoog tot 15-20 vraghouers wyn. Landbouweekblad berig in ’n komende uitgawe meer hieroor.
BKB-ALE STAAN REG
Al is talle skoue vanjaar weer weens die Covid-19-pandemie afgelas, volhard die BKB-Afrika-Alleras-lewendehawe-ekspo (ALE) nog met sy reëlings. Dit word beoog vir 28 September tot 2 Oktober in die Afridome by Parys. Adv. DeWaal Nigrini, voorsitter van die ekspo, sê die oogmerk is om méér vee as verlede jaar te lok. Kontak mnr. Stefan Coetzee by 083 384 3675 vir navrae oor beeste en mnr. Jan Mostert by
083 306 8408 oor kleinveeinskrywings.