Goed, beter, bessies
Die bessieseisoen is in volle swang en dit is nou die tyd om die meeste van die soet vruggies te maak.
vormpies en bak die muffins vir sowat 15 minute, of tot deurgaar. Haal uit die oond, laat vir ’n paar minute in die pan afkoel en pak die muffins dan op ’n draadrak om verder af te koel. Lewer 18 muffins.
1-2-3 bessieroomys
Drie bestanddele en drie stappe – dis hoe maklik dit is om self roomys te maak. Jy kan enige rooi of pienk bessies (of ’n kombinasie) vir hierdie heerlike resep gebruik.
500 ml dik room 1 blik kondensmelk 450 g somerbessies van jou keuse
Klits die room tot net styf. Voeg die kondensmelk by en klits verder tot dik. Verpulp die bessies met ’n staafmenger of in ’n voedselverwerker tot ’n puree. Vou die bessiepuree by die room-en-kondensmelkmengsel in. Giet die mengsel in ’n geskikte houer, bedek lugdig en vries oornag. Lewer 1 liter roomys.
Hoenderslaai met dukkah-botterskorsie, aarbeie en bokkaas
’n Somerslaai uit die boonste rakke. Vars, maar vullend en propvol tekstuur, geur en voedingstowwe. As jy nie van bokmelkkaas hou nie, vervang dit met sagte fetakaas in hierdie resep. Ek sit die slaai graag voor met ’n romerige basilie-jogurtslaaisous, maar aangeklam met net olyfolie en balsamiese asyn is dit net so lekker.
1 klein botterskorsie, pitte verwyder en met skil en al in dun wiggies gesny Olyfolie
Sout en varsgemaalde swartpeper na smaak
5 ml komyn
3 ml kaneel
4-6 hoenderborsfilette, gegeur, gaar gerooster of gestoom en grofgeskeur
250 g aarbeie, bloubessies of frambose
4 gaar bete, in dun wiggies gesny
’n Hand vol suikerpeul-ertjies 1 stafie (100 g) sagte bokmelkkaas, grofgekrummel Twee hande vol roketen basiliekruidblare
Slaaisous
180 ml natuurlike jogurt Sap van 1 lemmetjie
10 ml heuning
Sout na smaak
80 ml gesnipperde basiliekruidblare
15 ml soet rissiesous
Voorverhit die oond tot 200 °C en voer ’n bakplaat met foelie of bakpapier uit. Pak die botterskorsiewiggies op die bakplaat en bedruip met olyfolie. Geur goed met sout en peper en sprinkel die komyn en kaneel egalig oor die wiggies. Oondrooster vir ongeveer 10-15 minute tot die wiggies deurgaar en goed gerooster is. Haal uit die oond en laat afkoel.
Rangskik die wiggies saam met die hoender, aarbeie (of ander bessies) en ander slaaibestanddele op ’n dienbord.
Verpulp al die bestanddele vir die slaaisous saam en sit voor met die slaai. Lewer 4-6 porsies.
Bessie-lamingtons
Ons ken die bekende koekhappies met ’n sjokoladesous, maar as jy die sjokolade met bessies vervang, word die ou treffer ’n splinternuwe lekkerny.
500 ml versiersuiker 250 ml gesnipperde aarbeie of frambose
250 ml vars bloubessies 60 ml kookwater 1 vanieljeplaatkoek
500 ml fyn klapper