Gee sojabone hupstoot met dié reeks
Met Kynoch se Ultra-reeks kan die sojaboonprodusent sy risiko’s verlaag en terselfdertyd sy opbrengs verhoog.
Sojaboonproduksie in Suid-Afrika het oor die afgelope dekade drasties toegeneem tot ’n rekordproduksie-oppervlakte in 2022-’23.
Gedurende hierdie seisoen het die oppervlakte onder aangeplante sojabone dié van geelmielies verbygesteek¹.
Die klem van navorsing in Suid-Afrika het saam met dié neiging beweeg.
Die sukses van elke kommersiële gewas lê in die kennis wat die produsent tot sy beskikking het, tesame met vernuwende praktyke wat die produksie van die gewas doeltreffend verbeter.
By Kynoch is die klem op vernuwing en opbrengsbevordering om waarde toe te voeg tot die produsent se praktyk.
Mikro-elemente
Die afgelope dekade was die klem met plantvoeding op voeding met mikro-elemente, asook makro-elemente.
Verskeie studies, plaaslik en internasionaal, dui op betekenisvolle sojaboon-opbrengsreaksie danksy mikro-elementtoedienings². TABEL 1 toon mikro-elemente wat ’n beduidende verskil by sojaboonproduksie kan bewerkstellig.
Opname en beweging
Wanneer die doeltreffendheid van mikro-elementtoediening oorweeg word, is dit duidelik dat toediening in die voor hoogs doeltreffend is. Bykans alle noodsaaklike mikro-elemente vir sojaboonproduksie (Zn, B, Cu, Mn, Mo, Co), word hoofsaaklik gedomineer deur massa-vloei-opname deur die wortels. Die doeltreffendheid van voedingsopname is direk afhanklik van die aantal, volume, lengte en verspreiding van plantwortels, dus die droë-massa. Indien bogenoemde doeltreffend bestuur word, kan die opname van alle voedingselemente verbeter word.
Voordele van Ultra-reeks
Die meeste stelsels is beperk tot voor plant, tydens plant en/of een bobemesting van kunsmis. Die klem van die Ultra-reeks is om die doeltreffendste toediening van mikro-elemente by sojabone te bewerkstellig, dus naby die saad.
Die Ultra-konsep is beskikbaar vir ’n wye reeks kunsmismengsels, wat voedingstowwe kan insluit soos stikstof, fosfor, kalium, kalsium, magnesium en swael. Mikro-elemente word op korrels geplaas in nano-fyn vorm.
Nano-fyn beteken dat die inhoud van die bedekking fyn genoeg is om direk deur die plantwortels opgeneem te kan word.
Mikro-elemente word op elke korrel van die kunsmismengsel geplaas om te verseker dat plantopname optimaal kan geskied.
Resultate
Sojabone is bekend om goeie groeireaksie ná die toediening van mikro-elemente. Tesame met mikro-elementvoeding is swael van kritieke belang in die bemestingsprogram. In
TABEL 2 word kernproefdata aangetoon.
Die insluiting van mikro-elemente, tesame met swael in die plantmengsel, het ’n reuseverskil in opbrengs gemaak. Die plantmengsel met swael het ’n 6%-opbrengs op belegging gelewer, terwyl die Ultra-reeks ’n 86%-opbrengs op belegging gelewer het.
Dit is duidelik dat die Ultrareeks die plant doeltreffend voorsien van die nodige mikroen makro-elemente.
1. USDA. 2023. South Africa Soybean Area Rapidly Increases.
https://shorturl.at/xC126 Date of access: 5 September 2023.
2. Barbosa, J.M., Rezende, C.F.A., Leandro, W.M., Ratke, R.F., Flores, R.A. & Da Silva, A.R. 2016. Effects of micronutrients application on soybean yield. Australian Journal of Crop Science, 10(8): 1092-1097.