Drupkennis nou gratis op web beskikbaar
’N VERSKAFFER van besproeiing stelsels het onlangs ’n gratis platform bekend gestel. Rivulis dra só saam met sy susters maatskappye dekades se kennis en tegniese inligting oor drupbesproeiing stelsels aanboer e en landboubesighede oor.
Die maatskappy sê met toenemende druk op marges en klimaatsverandering wat die landbou-omgewing nóg ingewikkelder maak, word dit vir boere ál moeiliker om kommersieel lewensvatbaar te bly.
Met die ontwikkeling van sy Knowledge Hub wil Rivulis saam met Plastro, T-Systems, Roberts, Eurodrip en NaanDanJain die noodsaaklike inligting wat boere vir optimale drupbesproeiing nodig het, in ’n duidelike, maklik verstaanbare formaat beskikbaar stel, sê Matt Clift, Rivulis se direkteur van internasionale produkbestuur en bemarking.
Water en plantvoeding kan deur drupstelsels direk aan die plantwortel gelewer word, met verminderde gebruik van water en bemestingstowwe.
Die besproeiing s drup gids wat in die Rivulis Knowledge Hub beskikbaar is, het vier modules met ’n soekfunksie wat boere toegang gee tot spesifieke inligting oor kwessies of tegniese aspekte. Dit sluit ’n reeks formules in, soos hoeveel water benodig word om aan die plant water vereistes te voldoen, pompoorwegings, besproeiing skedulering en chemiese berekeninge vir instandhouding.
Nuwe verbruikers kan die Rivulis-drupgidse gebruik om die kernfaktore in die ontwerp en keuse van’ n drupbesproeiing s oplossing te verstaan. Vir boere wat reeds drupbesproeiing stelsels het, bied dit inligting oor onderhoud s kwessies, soos filtrasie, druk, vloei, spoel en bemesting.
“Die eerste deel van die drupgidse stel drupbesproeiing en die ses belangrikste oorwegings vir die ontwikkeling van jou stelsel bekend. Die tweede deel bied’ n diepgaande oorsig van drupbesproeiing stelsels en-komponente, terwyl die derde ’n inleiding tot hidrouliese ontwerp en stap-vir-stap instruksies vir installering en gebruik verskaf. Die vierde deel is toegespits op instandhouding om die beste gebruiksduur uit jou stelsel te kry”, sê Clift.
Kry die platform hier: www. rivulis.com/knowledge-hub/