Die Ford Everest XLT — ideaal vir ál jou behoeftes
Vir die plaaslewe het ’n mens ’n voertuig nodig wat perfek by die verskillende aspekte van jou lewe pas. Van plaaswerk tot gesinsverpligtinge bied die Ford Everest XLT veelsydigheid, ruimte en veiligheid.
Om op ’n plaas te bly, is nie vir sissies nie – dit verg ’n voertuig wat grondpaaie, klipperige hindernisse en lang reise kan aandurf.
Die Ford Everest XLT is ontwerp om enige pad met gemak te kan baasraak. Dit het ’n langer asafstand en ’n wyer spoor wat puik balans aan die voertuig verleen en dit ’n kragtiger, meer gespierde voorkoms gee.
’n Ruim binneruim
Die binneruim van die Ford Everest XLT is geskik vir alles onder die son – van aflewerings en die oplaai van plaastoerusting tot kinders by die skool gaan haal en sport-saamryklubs.
Met sewe sitplekke en ’n ruim derde ry sitplekke met verstelbare opsies kan jy alingepas les en almal maklik kry. Kratte, houers produkte en skooltasse – die ruim binneruim het plek vir alles, terwyl jy en jou passasiers gerieflik en veilig na jul bestemming ry.
Die Beste Avontuur-SUV
Die Ford Everest het in 2023 die prys as die Beste Avontuur-SUV gekry by die gesogte Motor van die Jaar-eerbewyse. Betroubaarheid, werkverrigting, tegnologie en vaardighede was van die maatstawwe wat gebruik is om te besluit watter SUV die prys sou inpalm – alles voordele wat hierdie Ford bied.
Dié prys is ’n stempel van goedkeuring aan een van die motorbedryf se reuse deur kundiges en aanhangers van reg oor Suid-Afrika.
Gerief en slim tegnologie
Ruimte is nie die enigste uitstekende kenmerk waarmee die Ford Everest XLT se binneruim spog nie. Met kragverstelbare voorsitplekke, ’n 12 duim-raakskerm met SYNC 4A® en vele toepassings, ’n gerieflike klimaatbeheerstelsel (wat daardie snikhete plaasdae ’n bietjie draagliker maak) en ’n 8 duim- digitale instrumentegroep bied die Ford Everest XLT die perfekte kombinasie van slim tegnologie en onbeperkte ruimte.
Die kajuit het boonop ’n koordlose batterylaaier, wat baie nuttig is wanneer ’n mens lang afstande aanpak.
Voertuig wat vir niks terugdeins
Teer, grond, klei of gras, steil hellings en klipperige heuwels – die Ford Everest XLT kan alles aandurf. Om op ’n plaas te leef en werk, is anders as om jou brood en botter in die stad te verdien. As boer moet jou voertuig enige soort terrein kan baasraak.
Die Ford Everest XLT het ’n deeltydse 4x4- en terreinbestuurstelsel met ’n elektroniese agterste ewenaarslot en heuwel-afdraandbeheer. Daar is vyf rymodusse om van te kies, naamlik Normaal (vir alledaagse gebruik), Eko (wat brandstofverbruik verminder), Glad (vir gladde oppervlakke ná reën of hael), Modder/Spore (vir modderige en oorspoelpaaie) de en Sand (vir sanderige oppervlakke).
’n Kragtige bul
Met ’n 2 liter-tweeturbodieselenjin lewer dié bielie 154 kW krag en 500 Nm wringkrag. Dit lewer ’n bevredigende balans en brandstofdoeltreffendheid tesame met sy tienspoed- outomatiese ratkas. SUV vir ’n boervrou Ná die sukses van die Bakkie vir ’n boer-uitdaging volg die nuwe SUV vir ’n boervrou-reeks, waar die Ford Everest XLT kop aan kop is met die ander SUV’s wat die boervroue in ’n reeks toetse beproef. Volg dit op Landbou.com en word deel van die gesprek.