VIERING VAN BEKWAME TEGNICI
John Deere 2023 Bekroning
Op die 10de November 2023 het die gesogte Kievits Kroon gasheer gespeel vir die langverwagte John Deere Africa Middle East (AME) Toekenningsgeleentheid, ‘n aand toegewy aan die erkenning van die uitstaande bydraes van individue en takke binne hul omvattende handelaarsnetwerk. Onder die hoogtepunte was die Landbouwerkswinkel van die Jaar 2023 en die Tegnikus van die Jaar 2023 toekennings, wat die toewyding tot uitnemendheid binne die John Deere-gemeenskap beklemtoon het. Afgri Harrismith het die gesogte titel van Landbouwerkswinkel van die Jaar 2023 verower, wat ‘n uitstaande prestasie in ‘n mededingende veld is.
Nie net is hulle effektiwiteit getoets nie, maar die spoed waarteen hulle werk om die kliënt weer aan die gang te kry. Staantyd moet tot die absolute minimum gehou word om aan die vereistes te voldoen. Die streng evaluasieproses het ‘n omvattende kontrolelys ingesluit wat werkswinkels teen verskeie kriteria gedurende die jaar beoordeel het. Afgri Harrismith het in die area van bestuur uitgeblink in hul vaardighede. Daar is ook gekyk na hul toewyding tot bemarking en die aanlyn bemarkingsopleiding wat voltooi is.
Die teenwoordigheid van ‘n gekwalifiseerde tegnikus of werkswinkelbestuurder ten alle tye was ook ‘n vereiste. Die fisieke aspekte van hul fasiliteite het boekdele gespreek oor Afgri Harrismith se toewyding tot professionaliteit onder die bestuur van Joppie Barlteman. Hul diensvoertuie was maklikidentifiseerbaar, die diensontvangs was duidelik gemerk, en werkbanke is konsekwent netjies onderhou. Meer nog, die werkswinkel het verseker dat hulle oor die nodige gereedskap beskik om omvattende en hoëgehalte dienste aan hul kliente te lewer.
Afgri Harrismith se toewyding tot voortdurende groei en verbetering van hul vaardighede is veral gesien in hul toewyding tot die opleiding van hul tegnici, gerugsteun deur die tegniese vaardighede en kundigheid wat verseker dat kliënte die grootste toewyding tot die vinnige en doeltreffende herstel van hul masjiene geniet.
Klanttevredenheid is deur meningspeilings onder hul klante bevestig en het bygedra daartoe dat Afgri Harrismith die welverdiende status as die Landbouwerkswinkel van die Jaar 2023 verwerf het.
Ruan Kriel is aangewys as die Tegnikus van die Jaar 2023, ‘n getuienis van sy kundigheid en toewyding. Die kompetisie het die werkswinkel evalueringsproses weerspieël, waar tegnici ‘n aanlyn toets gedoen het, gevorder het na ‘n geskrewe eksamen, en uiteindelik die top 3 gekies is na gelang van hul praktiese en teoretiese kennis asook ‘n foutvindingsassessering. In sy besinning oor sy prestasie het Ruan Kriel gesê: “Om erken te word as die Tegnikus van die Jaar is werklik ‘n eer wat ek glad nie verwag het nie. Ek geniet die verantwoordelikheid om my kliënte en werkslading self te bestuur, en ek het gee glad nie om om ekstra tyd in te sit om iets nuuts te leer nie.” Hy het verder beklemtoon dat hy lief is vir wat hy doen en dat hy wil voortgaan om in sy beroep te groei. “Ek wil voortgaan om ‘n bydrae te lewer tot die Landbou in Suid-Afrika as geheel.”
Ten slotte het die John Deere AME-toekennings van 2023 nie net uitstaande prestasies gevier nie, maar ook die toewyding tot uitnemendheid, innovasie, en klanttevredenheid binne die handelaarnetwerk beklemtoon.Die hoë standaarde wat deur kompetisies soos hierdie weerspieël word, getuig van die feit dat kliënte in uiters goeie en bekwame hande is wanneer hulle ook al ‘n handelaar besoek vir enige na-verkope en tegniese dienste.
Die toekennings aan Afgri Harrismith en Ruan Kriel dien as bakens van inspirasie vir die hele John Deere-gemeenskap in die Midde -Ooste Afrika streek.