Nuut in Suid-Afrika: John Deere se 6R-trekkers
Plaaslike boere het uiteindelik toegang tot John Deere se gewilde 6R-trekkers.
Suid-Afrikaanse boere het ook nou toegang tot die bewese en tegnologies gevorderde 6R-trekkers vanuit die John Deere-fabriek in Mannheim, Duitsland.
Die drie modelle wat in Suid-Afrika beskikbaar gestel word, is die 6R 215, 6R 230 en 6R 250. Al drie is bekend om hul hoë gehalte. Dié mediumgewig-trekkers is ontwerp en vervaardig vir die doeltreffende gebruik van enige primêre en sekondêre swaardiens-bewerkingstoepassings, soos plant, bespuiting, die strooi van kunsmis en die vervoer van goedere.
Klante wêreldwyd verkies om met hierdie trekkers te werk danksy hul veelsydigheid, uitstekende brandstofverbruik, die funksionaliteit en maklike gebruik van die presisietegnologie, asook hul uitstekende gehalte en duursaamheid.
Krag wanneer dit nodig is
Die addisionele werkverrigting en brandstofdoeltreffenheid wat die 6R-modelle bied, word duidelik geïllustreer deur die kragleweringsvermoë van die 6R 230 tydens verskillende aanwendings. Die 6R 230-trekker, wat volgens die ECE-R120standaard aangeduide enjinkraglewering van 169 kW bied, lewer maksimum krag van 186 kW teen 1 007 Nm-wringkrag. Dit beteken 10% meer enjinkrag tydens primêre of sekondêre swaardiensbewerkings. Dit verseker verhoogde produktiwiteit en ’n beduidende besparing op brandstof. Die 6R 230 bied ook ’n verdere 22% krag tot en met 206 kW wanneer benodig. Dié eienskappe geld ook vir die 6R 215 en 6R 250.
Slim transmissie
Die transmissie-opsies beskikbaar by die 6R-trekkers dra verder by tot hul goeie werkverrigting. Die 6R 215 se 20/20-AutoQuad (40 km/h) en 24/24-DirectDrive (40 km/h) is albei beproefde transmissies wat deur ingenieurs van John Deere vir swaardienslandbouwerk ontwikkel is. Die 24/24-DirectDrive-transmissie verminder die enjinspoed tot 1 550 r/min. teen 40 km/h en koördineer ook ratte om sodoende momentum te behou en brandstof te bespaar. Die 0.0340 km/h-AutoPowr-transmissie wat standaard by die 6R 230 en 6R 250 is, is ’n hidroulies-meganiese transmissie wat soomlose en deurlopende kraglewering voorsien tot en met 40 km/h.
Baanbrekertegnologie
John Deere se presisielandboutegnologie is uiters gebruikersvriendelik en help om elke aksie in jou boerdery behoorlik te beplan, uit te voer en te ontleed.
Met die akkurate StarFire 7500-GPS-ontvanger, die nuwe G5/G5 Plus CommandCenter en JDLink-modem sluit die 6R reeds alles in wat benodig word om vinnig weg te spring met presisietegnologie. Daarby kan die John Deere Operation Center gratis gelaai word om jou ’n volledige pakket landboubestuurshulpmiddels te gee.
Met 1-Click-Go-AutoSetup kan jy die opsteltyd met tot 50% verminder. Jou beoogde operasionele take in die John Deere Operation Center verskyn outomaties op die G5/G5 Plus CommandCenter wanneer die trekker met JDLink die landery binnegaan. Al wat die operateur hoef te doen, is om die besonderhede met een klik te bevestig, en hy is gereed om te begin.
Trek voordeel uit presisie
Met ’n 6R-trekker en John Deere-planter kan jy die saad teen die regte spasiëring en diepte plaas. Jy kan ook die plantestand op die landery volgens die bepaalde voorskrifkaart afwissel om sodoende die opbrengs te verhoog en insetkoste te verlaag.
Tydens plant of die strooi van kunsmis kan jy die 6R se presisietegnologie, soos wisselbare tempo en seksiebeheer, gebruik om die korrekte hoeveelheid kunsmis op die regte plek in die landery volgens die voorskrifkaart te plaas.
Danksy John Deere se unieke PowrSpray- en individuele Nozzle Control-tegnologie, kan die spuitaksie en druppelgrootte doeltreffend beheer word vir die beste spuitakkuraatheid.
Beskerm jou toerusting
Wanneer jy jou toerusting beskerm met ’n PowerGard-waarborg van 5 000 uur/5 jaar, baat jou besigheid by die deurlopende beskikbaarheid en beste verrigting van toerusting tydens spitsproduksietye.