Suid-Kaap vir Jesus 2017 in November
Na 2016 se siele oes is die organiseerders van Suid-Kaap vir Jesus weer vuur en vlam om die groot gospel- geleentheid in opdrag van God te reël. Hierdie gewilde geleentheid vind op 10 en 11 November by die amfiteater op Hartenbos plaas.
"Ons tye is aangepas en ons het besluit om die Sondagdiens na die Vrydagaand te verskuif met `n lof- en aanbiddingsdiens. Retief Burger kom weer die lof en aanbidding doen en Johnny Louw is ook weer die Saterdagaand op die verhoog om die diens te lei. Johnny het ook 'n verrassing vir die jeug vir Vrydagaand met twee jong manne wat aan die brand is vir Jesus wat daar gaan wees.
"Ons weet God het groot planne vir 2017 Dit sluit jou in! Moenie agterna sê ek wens ek was daar nie. Kom beleef `n fantastiese naweek in die teenwoordigheid van ons God," sê Theo Otto, organiseerder van die geleentheid.
Hekke open die Vrydagmiddag, 10 November om 17:00 en die Saterdag om 16:00. Daar sal ook kos- en koeldrankstalletjies op die terrein wees.