MARKTE / MARKETS

• Inligting oor kermisse, basaars en markte moet ons voor Dinsdae om 16:00 bereik. Stuur dit na mba@groupeditors.co.za

HARTENBOS BOEREMARK

Hartenbos Boeremark se volgende markte is op 9 en 30 September vanaf 08:00-14:00 by die Carney-gebou. Daar is meer as 70+ uitstallers so moet dit verseker nie misloop nie. Iets van als en als van iets, vriendelike uitstallers en jolige musiek. Navrae: Charles (082 852 1773).

UITSTALLERS GENOOI OM DEEL TE NEEM AAN DORPSMAKIETIE

Mosselbaai is aangewys as die Kwêla Dorp van die Jaar 2017 en Mosselbaai gaan die groot eer gepas met ‘n makietie op 7 Oktober vier. Die organiseerders beplan ‘n ware dorpsfees waarheen almal hartlik uitgenooi word. Daar gaan ‘n pretpark en talle sangers wees wat vermaak sal verskaf terwyl die Kwêlakameras die verrigtinge verfilm. Stalletjies se aansoeke sluit op 31 Augustus. Kontak Melanie (072 837 8803) vir meer inligting of besoek OEV-kantoor (044 695 2331).

MOSSELBAAI FAMILIE PLAASMARK

Die Mosselbaai Familie Plaasmark vind elke Sondag vanaf 08:00 tot 14:00 plaas en spog ook nou met ‘n nuwe eienaar. Die volgende mark is op Sondag, 10 September. Die mark is net buite Hartenbos langs die Hartenbosrivier en N2. Toegang is vanaf die R102 (ou Groot Brakpad). Kyk uit vir die naambord wat lui FARMER’S MARKET. Die mark verskaf heerlike vars organiese groente, vrugte, tuisgemaakte produkte, lekker eetgoed en yskoue drinkgoed.

Bring jou kinders, kleinkinders en hondekinders na die mark. Kontak Alma (082 601 9936).