Cuppa binnekort in Groot Brak

Cuppa For Cansa Groot-Brakrivier, onder die bekwame leiding van Ann-Marie Volkwyn van Groot-Brakrivier, vind vanjaar op Saterdag, 28 Oktober in die VGK-kersaal op Groot-Brakrivier plaas.

Die datum is vasgemaak, die kerksaal wag en vanjaar gaan daar behoorlik saamgekuier word ten bate van Kansa Suid-Kaap Karoo. Kankerbewusmaking is die hoofdoel van hierdie funksie en verskeie gasvroue gaan gaste trakteer met heerlike eetgoed. Kaartjiekoste beloop R50 per persoon en sluit die gasspreker, gaskunstenaar, opwindende vermaakprogram en gesellige saamkuiertee in. Vir navrae, skakel AnnMarie (082 480 6685) of Lucinda Viljoen van Kansa (082 66 3 3529) of stuur e-pos na lucinda@cansa.org.za.