Groot Brak gemeenskapsforum die ‘toekoms vir ware ontwikkeling’
Die Groot-Brakrivier gemeenskapontwikkelingsforum (GGOF), in samewerking met die Instituut vir Gemeenskapsontwikkeling, wil graag die gemeenskap in die Groot-Brakrivieromgewing tot groter hoogtes help bring.
GGOF se ontstaan
David Abrahams werk al vir jare onder die gemeenskap van Groot-Brakrivier om ‘n verskil in mense se lewens te maak.
Hy het hulp gesoek om die forum na die volgende vlak te neem en het daarom vir past Erhard du Toit gevra om te help. Saam het hulle beplan en gewerk aan die onstaan van die Groot-Brakrivier gemeenskapontwikkelingsforum, wat nou ‘n volwaardige forum met ‘n bestuurskomitee is.
“Ons doelstelling is om die probleme en uitdagings van die gemeenskap te help aanspreek en werkbare oplossings te vind, deur die ondersteuning en samewerking van die breë gemeenskap, sowel as verskeie rolspelers, organisasies, die munisipaliteit, besighede, regering.
Ons dien dus dan ook as platform vir die gemeenskapontwik-kelingsprossese,” sê past Erhard du Toit
Rede vir forum
“Ons het die belange, vooruitgang en ontwikkeling van ons gemeenskappe op die hart, en dit is die enigste rede vir ons bestaan. Die gemeenskap se belange is nie maar net nog ‘n faset van ons nie.
“Ons is ‘n nie-winsgewende organisasie met geen politieke affiliasie nie, daarom is dit dan juis ‘van die gemeenskap, vir die gemeeenskap’.
Ons vul die gaping wat daar bestaan tussen die gemeenskap, politici, regering of besigheidsektor en bring almal nader aan mekaar.
Hoe ons ‘n verskil gaan maak
“Ons moet almal hande vat en saamwerk om die ekonomie van Groot-Brakrivier te laat groei met werkskeppingsprojekte, uitbreiding van toerisme deur te bou op die fondasie van Groot-Brakrivier se geskiedenis, sport, jeug, familie, entrepeneursvaardighede, lewensvaardighede, opleidingsprogramme en werkswinkels aan te bied. “Alles wat ons doen moet net een doel hê, naamlik, ‘n gesonde gemeenskap wat gebou is om goeie en gesonde norme en waardestelsels.” Vir verdere inligting kontak Du Toit (072 845 7202).