Onderdorpbuurtwag hou braai

Die Onderdorp-buurtwag hou op Saterdag, 16 September vanaf 18:00 tot 23:00 ‘n straatbraai by die Delfino’s-parkeerarea in Mosselbaai. Die doel van die byeenkoms is om positiwiteit in die gemeenskap te bou teenoor die buurtwag en om saam met mekaar te kuier. Dit is die ideale geleentheid vir bure om mekaar beter te leer ken. Volgens buurtwaglid, Paul von Zeuner is die straatbraai ook ‘n geleentheid vir die buurtwag om uit die gemeenskap se mond te hoor wat hulle verwagting van die buurtwag en mekaar is. Mosselbaai se Onderdorp-buurtwag woeker om die dorp misdaadvry te hou. Hierdie groep vrywilligers patroleer tans die onderdorp vanaf 21:00 tot 05:00. Besighede wat graag ‘n bydrae vir die geleentheid wil lewer kan met Martie Loubser, voorsitter van die Onderdorp-buurtwag kontak (071 514 4501). Vir navrae oor die straatbraai kontak Arthur Riordien (082 702 2607), Paul Von Zeuner (082 387 0955), Anneke Schabbort (072 229 1304) of die projekbestuurder, Lindie Edwards (082 297 7165).