Gesteelde goedere in man se besit gevind

Groot-Brakrivier-polisiebeamptes ondersoek ‘n saak van besit van vermoedelik gesteelde eiendom, nadat die polisie op 2 September ‘n verdagte persoon in Langstraat, GrootBrakrivier voorgekeer het.

Volgens die polisiewoordvoerder, sers Chantel Marais het polisiebeamptes die man deursoek en beslag gelê op gesteelde eiendom wat in die verdagte se besit gevind was.

"Met behulp van Suiderkruis Sekuriteit is die verdagte aangekeer en in hegtenis geneem." Volgens inligting is die goedere in Hartenbosomgewing gesteel.

Die eiendom kan by die Groot-Brakrivierpolisiestasie besigtig word. Dit sluit in: 'n swart Presario C 700 rekenaar, swart Maaliteflits, Xbox 360 controller in boks, swart skootrekenaarlaaiers, swart en silwerkleurige Seiko-horlosie, RCA-kabels, Apella-sakhorlosie, oranje en groen drasak, Go Pro- skermskild

( screen protector) en Aramis-parfuum.

Enigeen met inligting kan ao Sias Weyers kontak (044 620 8308/9). Alle inligting sal as vertroulik hanteer word.

Aramis-parfuum en hierdie items is in die verdagte se besit gevind.

Die verdagte het goedere in hierdie sak gehou.

Herken u hierdie juwele? Indien wel, kontak die Groot-Brakrivierpolisiestasie.

Hierdie items is in die verdagte se besit gevind.

‘n Seiko-horlosie is onder meer in die verdagte se besit gevind.

Leerklerasie met hierdie kenteken is ook gevind.